Left arrow Go Back

IL-MINISTERU TA’ L-AFFARIJIET BARRANIN JISTĦARREĠ ALLEGATI ABBUŻI FL-AMBAXXATA TA’ MALTA F’BEIJING

PR1887
Date Icon 08/12/2004

Fid-diskors tiegħu fil-Parlament dwar il-vot finanzjarju tal-Ministeru ta’ l-Affarijiet Barranin nhar it-Tnejn filgħaxija, l-Onorevoli Leo Brincat allega li jidher li hemm diplomatiku Malti fl-Ambaxxata ta’ Malta f’Beijing li allegatament huwa mdaħħal f’irregolaritajiet u favoritiżmu fil-ħruġ ta’ Visas għal studenti Ċiniżi ta’ l-Ingliż u li allegatament dan id-diplomatiku huwa in kollużjoni ma’ travel agent partikolari Ċiniża.  

Waqt id-diskors tiegħu, l-Onorevoli Brincat għadda kopja fotostatika tal-business card ta’ persuna Ċiniża lill-Ministru ta’ l-Affarijiet Barranin Dr Michael Frendo.  

Il-Ministru ta’ l-Affarijiet Barranin għadda transcript ta’ dak li allega l-Onorevoli Brincat flimkien mal-kopja fotostatika tal-business card tal-persuna Ċiniża lis-Segretarju Permanenti fil-Ministeru ta’ l-Affarijiet Barranin b’istruzzjoni miktuba biex tgħaddihom lill-Pulizija għall-investigazzjonijiet tagħha.  

L-istess miżura kienet ġiet adottata mill-Ministru Frendo meta ġimgħat ilu kienet waslet ittra anonima fil-Ministeru ta’ l-Affarijiet Barranin dwar l-ipproċessar tal-Visas għal ċittadini Ċiniżi mill-Ambaxxata Maltija f’Beijing.  

Sa’ issa l-Ministeru ta’ l-Affarijiet Barranin għadu ma rċieva l-ebda riżultati mill-Pulizija dwar dan il-każ.  

Diversi xhur ilu f’risposta għal Mistoqsija Parlamentari li saret mill-Onorevoli Brincat dwar dan is-suġġett, il-Ministru Frendo kien talab lill-Onorevoli Brincat biex jgħaddilu kull informazzjoni li għandu dwar din il-materja.    

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow