AĠĠUSTAMENT FIR-RATI TA’ ABBONAMENT TAL-GAZZETTA TAL-GVERN
Peress li mill-1 ta’ Mejju 2004, bdiet titħallas 5% VAT fuq il-bejgħ tal-Gazzetta tal-Gvern, li s’issa kienet ġiet assorbita mill-Gvern, ir-rati ta’ abbonament qed jiġu riveduti b-effett mill 1 ta’ Jannar 2005. Dettalji tar-rati l-ġodda jinsabu fit-tabella annessa. Il-prezz ta’ kull ħarġa tal-Gazzetta tal-Gvern li tinxtara individwalment ser jibqa’ l-istess, jiġifieri 2c għal kull paġna.
Sadattant, il-pubbliku huwa mfakkar li verżjoni elettronika ta’ kull ħarġa tal-Gazzetta tal-Gvern tiġi ppubblikata fuq il-website tad-Dipartiment ta’ l-Informazzjoni www.doi.gov.mt fl-istess ġurnata u ħin li tiġi ppubblikata l-verżjoni stampata. Is-supplimenti tal-Gazzetta li jinkludu l-Atti tal-Parlament, Abbozzi ta’ Liġijiet u Avviżi Legali, ukoll jiġu mxandra separatament fuq il-website.
Barra minnhekk, e-mail users jistgħu japplikaw biex jirċievu elettronikament avviżi dwar sejħiet għal Impjiegi fis-Settur Pubbliku, sejħiet għal Tenders Pubbliċi u sejħiet għal għoti ta’ Boroż ta’ Studju li jiġu ppubblikati fil-Gazzetta tal-Gvern. Kull min hu nteressat, jista’ jindirizza t-talba tiegħu lil doimail@gov.mt L-avviżi msemmija jintbagħtu direttament b’mod regolari fil-personal e-mail account ta’ min ikun għamel it-talba.
Is-servizzi elettroniċi msemmija huma kollha bla ħlas.
Tabella…
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946