IS-SEGRETARJU PARLAMENTARI FRANCIS AGIUS JILTAQA’ MAL-BDIEWA
Is-Segretraju Parlamentari responsabbli mill-Biedja u s-Sajd l-Onor Francis Agius illum ta bidu għal sensiela ta’ laqgħat mal-bdiewa biex ikollu l-opportunità li jinforma b’mod dirett lill-bdiewa dwar dak li qed iwettaq il-Gvern fit-twaqqif, ir-ristrutturar u r-riforma meħtiega tal-Pitkalija.
Aspett ieħor ta’ dawn il-laqgħat hu li jagħti informazzjoni u jħeġġeġ lill-bdiewa jagħmlu użu mill-fondi ta’ għajnuna li qegħdin jitqassmu mill-Gvern Malti u l-Unjoni Ewropea. Dr. Agius qal li ser jinħarrġu nies apposta mill-extentions service biex ikunu kompetenti meta jiġu biex jassistu lill-bdiewa Maltin u Għawdxin li jkunu talbu għajnuna finanzjarja u teknika.
Waqt din il-laqgħa Dr. Agius informa lill-bdiewa li l-ħlas minn April sa Ġunju inħareġ u qed isiru l-preparamenti biex il-bdiewa jingħataw is-sussidju ta’ wara s-sħubija li ser ikun ħafna iktar minn dak li ġie mogħti sa issa.
Il-bdiewa fissru l-apprezzament tagħhom għal din il-laqgħa u talbu li jkun hemm iktar laqgħat informattivi biex hekk il-bdiewa jifhmu r-ristrutturar li qed issir għall-ġid tal-biedja f’ pajjiżna.
DOI 04.11.2004
3.82 Kbytes Last Modified on 04th November, 2004
HOME | GOV.MT
HELP | LINKS | SITEMAP | SEARCH
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946