Left arrow Mur Lura

TWEĠIBA GĦALL-ISTQARRIJA TA’ L-UNION ĦADDIEMA MAGĦQUDIN DWAR L-IMPJEGATI TA’ L-ONBOARD SERVICES LIMITED

PR1689
Date Icon 28/10/2004

Il-Ministeru għall-Investiment, Industrija u Teknoloġija ta’ l-Informazzjoni jirreferi għall-istqarrija ta’ l-Union Ħaddiema Magħqudin li ġġib it-titlu ‘Ħaddiema Għawdxin jitilfu l-impjieg”.  

Il-Ministeru ma japprezza xejn li jiġi akkużat għal xejn li qal “nofs verità”.  

Fil-kummenti lill-istampa, kif ripetut mill-istqarrija tal-UĦM stess, il-Ministru Austin Gatt spjega kif ebda impjegat tal-Gozo Channel Co. Ltd. ma nġiegħel jitlaq mix-xogħol minkejja r-ristrutturar tal-kumpanija. Il-Ministru Gatt spjega wkoll li waħda mill-miżuri tar-ristrutturar hi li m’hux se titkompla l-prattika li s-servizzi tal-kafetterija jkunu kuntrattati barra l-kumpanija.  

Kuntrarju għal dak li donna trid tissuġġerixxi l-UĦM, Onboard Services Ltd m’hix xi sussidjarja tal-Gozo Channel Co. Ltd u l-impjegati ta’ l-Onboard Services Ltd m’humiex b’xi mod dirett jew indirett impjegati tal-Gozo Channel Co. Ltd.  

Il-Gozo Channel Co. Ltd onorat il-kuntratt tagħha ma’ dan il-kuntrattur (kif tagħmel mal-ħafna kuntratturi li jipprovdulha servizzi differenti) u meta l-kuntratt eżawrixxa ruħu, is-servizz ma kompliex jinxtara.  

Is-suġġeriment li “skond il-Ministru Austin Gatt [l-impjegati t’Onboard Services Ltd] għandhom imorru jirreġistraw u jfittxu xogħol alternattiv” jagħti l-impressjoni li d-deċiżjoni li l-Onboard Services Ltd tkeċċi l-ħaddiema tagħha ħadha l-Gvern. Id-deċiżjoni ħaditha l-Onboard Services Ltd weħidha u xejn fl-aġir tal-Gvern jew tal-Gozo Channel Co. Ltd ma rrenda din id-deċiżjoni inevitabbli.

DOI -  28.10.2004

5.46 Kbytes Last Modified on 28th October, 2004

HOME | GOV.MT 

HELP | LINKS | SITEMAP | SEARCH

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow