SKEMA TA’ SUSSIDJU FUQ TADAM IPPROĊESSAT
Id-Direttur ta' l-Agrikultura javża lil dawk il-bdiewa u għaqdiet tal-produtturi, li din is-sena kienu rreġistraw fl-uffiċċju ta' l-IACS biex jirċievu s-sussidju fuq it-tadam għall-ipproċessar, għandhom jagħmlu applikazzjoni għall-ħlas ta' dan is-sussidju.
Din l-applikazzjoni ssir fl-Uffiċċji ta' l-Extension Service fil-Mosta, Rabat , Siġġiewi u Żabbar, fiċ-Ċentru ta' Riċerka u Żvilupp, Għammieri u fil-Fergħa ta' l-Agrikultura (IACS), Dipartiment għall-Proġetti u Żvilupp, Ministeru għal Għawdex.
Il-formoli jinkisbu mill-uffiċċju fejn issir l-applikazzjoni. L-uffiċjali tal-Gvern jagħtu l-għajnuna kollha meħtieġa lill-applikanti biex timtela’ l-formola ta' l-applikazzjoni. Biex jitħaffef ix-xogħol, importanti li l-applikanti jieħdu magħhom:
· l-irċevuta (8 paġni) ta' l-applikazzjoni ta' l-IACS;
· kopja tal-kuntratt/i li sar mal-proċessur/i (u ta' xi estenzjonijiet);
· għal kull kuntratt, dikjarazzjoni iffirmata mill-proċessur li turi il-kwantità totali ta' tadam imwassal għall-ipproċessar;
· in-numru tal-VAT;
· il-karta ta' l-identità tal-produttur (u dik tal-persuna li tagħmel l-applikazzjoni f'każ li din ma tkunx il-produttur).
Jekk ma jiġix avżat mod ieħor, l-applikazzjonijiet għandhom isiru sat-30 ta' Novembru 2004. F'każ ta' applikazzjonijiet li jaslu wara din d-data, is-sussidju dovut jitnaqqas b'wieħed fil-mija għal kull ġurnata ta' dewmien, iżda jintilef id-dritt għas-sussidju jekk id-dewmien ikun ta' aktar minn 15-il ġurnata.
DOI – 07.10.2004
6.41 Kbytes Last Modified on 07th October, 2004
HOME | GOV.MT
HELP | LINKS | SITEMAP | SEARCH
Stqarrijiet Oħra:
PR261946
STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...
PR261945