Left arrow Mur Lura

“L-ISTRINA: ĊERTIFIKAT TAS-SENS TA’ SOLIDARJETA` TAL-POPLU MALTI” – IL-PRESIDENT TA` MALTA , L-E.T. DR. EDWARD FENECH ADAMI

PR1548
Date Icon 06/10/2004

Fil-preżenza tal-President ta’ Malta, l-Eċċellenza Tiegħu Dr. Edward Fenech Adami, u ċ-Chairman tal-PBS, Michael Mallia, tqassmu l-fondi li ngabbru mill-programm “L-Istrina 2003” permezz tat-telefonati u d-donazzjonijiet li jammontaw għas-somma totali ta` madwar miljun lira Maltin.  

Waqt konferenza stampa fil-Palazz, il-Belt Valletta, tqassmu l-fondi lill-Malta Community Chest Fund u assoċjazzjonijiet soċjali oħrajn li huma l-Eden Foundation, Caritas, Razzett tal-Ħbiberija, Djar tal-Knisja Għall-Anzjani, YMCA, Emigrants’ Commission, Children’s Cancer Support Group, The Millennium Chapel, Suriet il-Bniedem, Daniel Delicata Memorial Association, Għaqda Persuni Neqsin mis-Smigħ, Daritama, Parroquia Sant Tomos Appostolo, u The Ghana Mission Foundation.

Il-President Fenech Adami qal li din is-somma hija ċertifikat tas-sens ta’ solidarjeta` tal-poplu Malti kollu, li jimpurtah u li, għalhekk, ta l-kontribut tiegħu f’dan l-avveniment. L-Eċċellenza Tiegħu ddeskriva l-poplu Malti bħala wieħed ġeneruż li fid-dinjita` tiegħu ma jaħsibx biss fih innifsu izda kapaċi jagħraf il-bżonnijiet ta’ l-oħrajn.

Il-President irringrazzja lill-PBS ta’ l-appoġġ u tax-xogħol li tagħmel waqt il-programm ta’ l-Istrina kif wkoll il-kumpanija ‘Where’s Everybody?’ li bl-entużjażmu u d-dedikazzjoni tagħha irnexxielha torganizza avveniment bħal dan li issa sar appuntament annwali. Il-President Fenech Adami wassal ukoll l-apprezzament tiegħu lil Maltacom kif wkoll l-istazzjonijiet tat-televiżjoni li offrew sigħat b’xejn mill-air time tagħhom sabiex jiġi trasmess dan il-programm.  

Il-President awgura li “l-programm ta’ l-Istrina ta’ din is-sena jkun ieħor ta’ suċċess bħal dawk ta’ qabel, programm li jirrifletti s-solidarjeta` tal-poplu Malti u Għawdxi.” 

DOI – 06.10.2004

4.93 Kbytes Last Modified on 06th October, 2004

HOME | GOV.MT 

HELP | LINKS | SITEMAP | SEARCH

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

STQARRIJA MILL-MINISTERU GĦAT-TURIŻMU  L-ITS Career Expo u l-Malta Skills Championships jgħaqqdu lill-istudenti mal-industrija u juru t-talent vokazzjonali

PR261945

STQARRIJA MILL-MINISTERU GĦAT-TURIŻMU L-ITS Career Expo u l-Malta Skills C...

Aktar Stqarrijiet Right arrow