Left arrow Mur Lura

SER JITJIEB IL-JUNCTION BEJN TRIQ TAL-BALAL U L-BYPASS TA’ BIRGUMA

PR1543
Date Icon 05/10/2004

L-awtoritajiet kompetenti diġà bdew bil-proċess biex tittejjeb il-junction bejn Triq tal-Balal u l-bypass ġdida ta’ Birguma.   

Dan ħareġ waqt żjara li l-Ministru għall-Iżvilupp Urban u Toroq,  l-Onor. Jesmond Mugliett flimkien mas-Segretarju Parlamentari għan-Negozji Żgħar u s-Self Employed, l-Onor. Edwin Vassallo, għamlu f’numru ta’ ħwienet li jinsabu fi Triq San Pawl, fin-Naxxar.  

Is-sidien ta’ dawn in-negozji għaddew il-kummenti  tagħhom dwar il-bypass il-ġdida ta’ Birguma.  Huma esprimew is-sodisfazzjon tagħhom lill-Ministru u lis-Segretarju Parlamentari li t-traffic flow ta’ heavy vehicles naqas sew mit-triq tagħhom, għaliex illum it-traffiku qiegħed jgħaddi mill-bypass ta’ Birguma.   

Preżenti għal-laqgħa kien hemm ukoll is-sindki u kunsilliera tan-Naxxar u l-Għargħur.  

Is-sidien tan-negozji, madankollu kkummentaw ukoll dwar kif issa jista’ jsir titjib għal aċċess aħjar għal Triq San Pawl għall-klijenti tagħhom.  Huma rreferew partikolarment għal dawk il-klijenti tagħhom li jkunu ġejjin mill-Għargħur jew minn Birguma, li qegħdin iħossu li l-aċċess għal din it-triq naqas u jista’ jkun imtejjeb.  

Il-Ministru Mugliett laqa’ s-suġġerimenti ta’ dawn is-sidien tal-ħwienet u għarrafhom li bħalissa hemm numru ta’ permessi li qed jiġu pproċessati mill-Awtorità dwar l-Ambjent u l-Ippjanar biex tinbena roundabout fil-junction fejn il-bypass il-ġdida tmiss ma’ Triq il-Balal. Hu qal ukoll li waqt il-bini tal-bypass kienet tqegħdet l-infrastruttura sabiex ikunu jistgħu jitwaħħlu pelican crossings.  

Hu assigura wkoll lis-sidien ta’ dawn il-ħwienet li ser tiġi analizzata t-traffic flow fil-bypass ta’ Birguma u tkun mistħarrġa l-possibiltà ta’ titjib fl-aċċess għat-traffiku mill-bypass ta’ Birguma għal Triq San Pawl.  Hu qal li xogħol bħal dan ikun jista’ jsir biss jekk l-esperti fl-immaniġġjar tat-traffiku jagħtu parir li dawn it-tibdiliet ma jkunux ta’ detriment fuq is-sigurtà tat-triq.  

Il-Ministru Mugliett stieden lir-rappreżentanti tal-bejjiegħa li jkunu preżenti għal laqgħa li ser tkun organizzata mill-ADT sabiex is-suġġerimenti jkunu jistgħu jingħaddu lilha.  

Is-Segretarju Parlamentari Edwin Vassallo sejjaħ din il-laqgħa bejn is-sidien tal-ħwienet u r-rappreżentanti tal-Gvern bħala laqgħa ta’ konsultazzjoni u tenna l-ħtieġa li qabel kull proġett ikun hemm konsultazzjoni mas-settur kummerċjali sabiex il-ħtiġijiet tas-settur kummercjali jkunu magħrufa.  Is-suggerimenti li taw is-sidien tal-ħwienet huma riflessjoni tal-bżonnijiet tas-settur kummerċjali u s-Segretarju Parlamentari Edwin Vassallo qal li hu jinsab konvint li l-bżonnijiet ta’ dan is-settur, tant importanti, qegħdin jiġu kkunsidrati dejjem aktar.  

DOI – 05.10.2004

7.86 Kbytes Last Modified on 05th October, 2004

HOME | GOV.MT 

HELP | LINKS | SITEMAP | SEARCH

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

STQARRIJA MILL-MINISTERU GĦAT-TURIŻMU  L-ITS Career Expo u l-Malta Skills Championships jgħaqqdu lill-istudenti mal-industrija u juru t-talent vokazzjonali

PR261945

STQARRIJA MILL-MINISTERU GĦAT-TURIŻMU L-ITS Career Expo u l-Malta Skills C...

Aktar Stqarrijiet Right arrow