MALTA TFAKKAR IL-JUM DINJI TAT-TURIŻMU
Malta llum ingħaqdet mal-bqija tad-dinja biex tfakkar il-Jum Dinji tat-Turiżmu bl-organizzazzjoni ta’ sensiela ta’ attivitajiet sew mill-Awtorita’ Maltija tat-Turiżmu kif ukoll mis-settur privat.
Il-Ministru għat-Turiżmu u Kultura Francis Zammit Dimech dalgħodu, fil-Berga ta’ l-Italja, inawgura Wirja Fotografika għall-Jum Dinji tat-Turiżmu. Il-Ministru Francis Zammit Dimech qal: “L-ekonomija Maltija tiddependi għal kwart tagħha mit-turiżmu. Hu għalhekk importanti li kulħadd jagħti sehmu biex dan is-settur ikompli jikber u joħloq aktar impjiegi u aktar ġid. Biex dan iseħħ irridu noffru servizzi dejjem aħjar u nagħtu lit-turist valur sħiħ tal-flus li jonfoq.”
Aktar tard il-Ministru għat-Turiżmu u Kultura ltaqa’ ma’ ħaddiema tal-lukanda Intercontinental, tal-lukanda Bernard u tal-Hard Rock Café. Il-Ministru irringrazzjahom tas-servizz li kienu qed jagħtu lit-turisti. “L-ikel, ix-xorb u l-mod kif isservihom huma parti importanti mill-infrastruttura turistika u għalhekk l-appell tiegħi lilkom hu li meta sservu lit-turist għamlu dan bi tbissima u b’sens ta’ ospitalita’ li aħna bħala poplu magħrufin għalih.”
Filgħaxija l-Ministru Francis Zammit Dimech f’messaġġ minn fuq TVM ser jaghti rendikont rigward is-settur turistiku b’aċċenn għall-aħħar 40 sena ta’ Indipendenza, il-qagħda preżenti fejn is-settur privat qed jinvesti aktar minn Lm200 miljun fi proġetti turistiċi, u l-prospetti għall-futur. Il-Ministru għat-Turiżmu u Kultura jitkellem ukoll dwar it-tema magħżula mill-Organizzazzjoni Dinjija għat-Turiżmu għal dan il-J
Other Press Releases:
PR261945
STQARRIJA MILL-MINISTERU GĦAT-TURIŻMU L-ITS Career Expo u l-Malta Skills C...
PR261944