INIZJATTIVI BIEX IL-CAR FREE DAY TITJIEB U TKOMPLI TIKBER
Il-Ministeru għall-Affarijiet Rurali u l-Ambjent irid għal darb’oħra jirringrazzja lil kull min ta s-sehem tiegħu u pparteċipa fl-inizjattiva ta’ Car Free Day għal din is-sena.
Kif ingħad drabi oħra, din hi inizjattiva pożittiva li minbarra li tgħaqqad lil pajjiżna ma’ numru dejjem jikber ta’ pajjiżi madwar id-dinja kollha, twassal ukoll biex għal jum wieħed fis-sena, il-bniedem jieħu lura t-toroq li għall-bqija tas-sena jkunu ddominati mit-traffiku.
Il-Gvern hu impenjat li jara li din l-inizjattiva tibqa’ ssir b’mod regolari fil-kalendarju ta’ attivitajiet ta’ pajjiżna u għal dan il-għan qed jistieden lil għaqdiet mhux Governattivi u lill-pubbliku in ġenerali biex iwassal il-kummenti u s-suġġerimenti sabiex l-inizjattiva tkompli titjieb u fuq kollox tikber.
Dawn il-kummenti jistgħu jintbagħtu permezz ta’ sezzjoni apposta mill-website www.mrae.gov.mt, permezz ta’ l-email mobility.week@gov.mt, permezz tal-posta lill-Ministeru għall-Affarijiet Rurali u l-Ambjent, Xatt il-Barrieri, Valletta , jew permezz tal-linja tat-telefon 2295 2143.
Stqarrijiet Oħra:
PR261945
STQARRIJA MILL-MINISTERU GĦAT-TURIŻMU L-ITS Career Expo u l-Malta Skills C...
PR261944