TITNEĦĦA L-LIĊENZJA TA’ LM 25 FUQ IS-SATELLITA
Il-Kabinett tal-Ministri l-bieraħ ddeċieda li b’effett mill-ewwel ta’ Mejju 2004 titneħħa l-liċenzja ta’ Lm 25 fuq ir-riċevituri tas-satellita (TVRO’s).
Din id-deċiżjoni ttieħdet wara li matul l-aħħar xhur, kif ingħad diversi drabi fil-pubbliku, il-gvern segwa dak li għamlu l-pajjizi l-ġodda membri ta’ l-Unjoni Ewropea, kif ukoll dak li kien l-aħjar interess tal-konsumatur Malti.
Fil-preżent madwar 15,700 persuna għandha riċevitur u jħallsu Lm 25 fis- sena għal-liċenzja. Bit-tneħħija ta’ din il-liċenzja jfisser li Lm 400,000 ser jibqgħu għand il-poplu.
Dan juri l-impenn tal-gvern li filwaqt li jimxi ma’ regoli komuni għall-pajjiżi Ewropej jassigura l-aħjar interess tal-konsumatrur. Għalhekk f’dan il-kuntest il-Ministeru għall-Kompetittivita’ u Komunikazzjoni jgharraf illi min kellu l-liċenzja tiegħu tagħlaq wara l-ewwel ta’ Mejju u ħallasha se jingħata lura l-ammont imħallas. Dettalji tal-metodu ta’ rifużjoni jingħataw fil-jiem li ġejjin.
Stqarrijiet Oħra:
PR261943
STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...
PR261942en