Left arrow Mur Lura

JIBDA D-DJALOGU NAZZJONALI DWAR IR-RIFORMI FL-EDUKAZZJONI

PR136
Date Icon 05/02/2004

opportunitajiet fis-soċjeta` ta’ tagħlim li qed titrawwem.  Malta qed tinbidel minn komunita` lokali maghluqa, li taħdem fiha nnifisha u għaliha nnifisha, għal player reġjonali f’ambjent globali.  L-ispazju għall-ħolqien tal-prosperita` hu bla limitu. L-isfruttament tiegħu jiddependi biss mill-intelliġenza, l-innovazzjoni u l-impenn tagħna. Għal dan kollu, l-edukazzjoni hi l-aqwa għodda.” Dan kien il-qofol tal-messaġġ ta’ l-Onor. Louis Galea, Ministru ta’ l-Edukazzjoni, meta dalgħodu nieda proċess ta’ djalogu nazzjonali dwar ir-riformi li qed jiġu mfassla fl-edukazzjoni.  

Louis Galea kien qed ikellem lill-ogħla uffiċjali responsabbli għall-edukazzjoni f’Malta u Għawdex f’laqgħa li saret f’Dar il-Mediterran.  Il-laqgħa kienet indirizzata mid-Direttur Ġenerali il-ġdid, Dr. Cecilia Borg u mis-Segretarju Permanenti, is-Sur Charles Mizzi.  Fil-laqgħa hadu sehem id-Diretturi, l-Assistenti Diretturi u l-Uffiċjali Edukattivi tad-Divizjoni ta’ l-Edukazzjoni.  

Il-Ministru Galea fisser li l-ftehim li l-Gvern u l-MUT iffirmaw din il-ġimgħa jagħmel mhux biss ġieh lill-klassi tal-edukaturi Maltin, iżda jiftaħ fażi ġdida fir-riformi meħtieġa fis-sistema edukattiv.  Huwa appella biex kulħadd iħaddan b’urġenza u impenn l-isfidi u l-opportunitajiet li qed iġib miegħu l-kapitolu l-ġdid fl-istorja ta’ Malta, riżultat tas-sħubija fl-Unjoni Ewropea.  Fl-edukazzjoni dan ifisser li kullħadd irid jirrealizza r-realta` l-ġdida li għaliha rridu nedukaw lill-poplu tagħna u lill-uliedu.  

Il-Ministru Galea sostna li għalkemm il-qasam ta’ l-edukazzjoni huwa responsabbilita` sħiħa tal-Gvern Malti, xorta waħda ser ikollna miri stabbiliti għall-pajjiżi Ewropej kollha, biex l-Unjoni Ewropea tkabbar u timmodernizza l-ekonomija tagħha għall-aqwa waħda fid-dinja.  

Sal-2010, l-Unjoni Ewropea qed timmira li 85% ta’ dawk li jkollhom 22 sena ikollhom għall-anqas edukazzjoni sekondarja għolja (il-livell post-sekondarju f’Malta); li jkun hemm anqas minn 10% li jitilqu mill-iskola qabel 18-il sena; li 12.5% mill-adulti jkunu qed jieħdu sehem fi programmi ta’ Tagħlim Tul il-Ħajja; li nżidu l-gradwati fil-Matematika, ix-Xjenza u t-Teknologija bi 15%; u li f’dawn l-oqsma nassiguraw li jkollna bilanċ ħafna aħjar bejn irġiel u nisa.  Il-Ministru Galea sostna li avolja dawn huma miri diffiċli għal kull pajjiż li qed jiżviluppa fi ħdan l-UE, xorta huwa dmir tagħna li naħdmu għalenija ħalli nersqu viċin tagħhom kemm jista` jkun.  

Il-Ministru Galea fisser li m’hawn ħadd li ma jirrikonoxxix l-iżviluppi kbar li seħħew fl-edukazzjoni. Iżda ma nistgħux nikkuntentaw li ġibna edukazzjoni għal kulħadd. Issa rridu edukazzjoni ta’ KWALITA` għal kulħadd. “Dan ifisser, fost ħwejjeg oħra, li ma nistgħux nibqgħu nitilfu tfal mil-livelli primarji u sekondarji.  Irridu nifthu qalbna aktar ma’ tfal bi bżonnijiet speċjali biex anke dawn igawdu mill-investiment kbir li qed isir fl-iskejjel.  Irridu nsibu tarf il-problemi ta’ tagħlim li qed jaffaċċjaw l-iskejjel sekondarji tagħna.  Irridu nimmodernizzaw l-ambjenti fiżiċi ta’ l-iskejjel tagħna”, sostna Louis Galea.  

Il-Ministru Galea qal li biex nilħqu dawn il-miri jenħtieġ bidla fil-kultura u qabza fl-assikurazzjoni tal-kwalita`.  “Il-ftehim li ntlaħaq mal-MUT din il-ġimgħa ifisser li intom tiffurmaw it-team nazzjonali ta’ mexxejja fl-edukazzjoni ta’ Malta. Ifisser li lkoll irridu nadottaw mentalita` ta’ professjonaliżmu li jixraq lil min hu fil-livell ta’ fuq ta’ tmexxija (top management mindset). Ifisser impenn sħiħ għat-twettiq tal-Kurrikulu Nazzjonali.  Hu għalhekk li qed nimpenjaw ruhna li nadottaw proċeduri ta’ analiżi tar-riżultati tal-ħidma tagħna (performance review procedures); ta’ verifika edukattiva ta’ l-iskejjel (school educational audit); u ta’ sistema ta’ awtonomija għall-iskejjel.  Il-Gvern qed jaħdem ukoll li jagħti lill-iskejjel l-appoġġ li jkollhom bżonn biex jilħqu dawn il-miri.  

Louis Galea qal li fid-djalogu nazzjonali tul ix-xhur li ġejjin, huwa ser isieħeb lil kulħadd – studenti, ġenituri, għalliema, l-imsieħba soċjali u s-soċjeta` ċivili kollha kemm hi.  “L-aġenda hi ambizzjuza iżda ta’ fejda.  Ser inħarsu lejn l-edukazzjoni fil-fażijiet kollha tagħha, mill-aktar eta’ bikrija ’l quddiem, iżda mil-lenti ta’ esperjenza li ma taqta’ xejn skond l-istrateġija tat-Taghlim Tul il-Hajja. B’hekk noħolqu poplu li ma jieqaf u ma jgħejja qatt jitgħallem.  Din hi ir-riċetta ta’ ekonomija dinamika li tkattar l-impjiegi u l-prosperita`.  Dan hu x’ser jagħmel lil Malta player reġjonali f’ambjent globali.”   

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow