POLITIKA BARRANIJA LI TISSARRAF F’GID EKONOMIKU, POLITIKU, SOCJALI U KULTURALI
F’diskors li ghamel fil-bidu ta’ Laqgha Gholja dwar miri strategici tal-politika barranija Maltija, il-Ministru ta’ l-Affarijiet Barranin Michael Frendo qal li dan l-ezercizzju huwa krucjali ghall-pajjizna minhabba li ghandna quddiemna realtajiet godda wara s-shubija ta’ Malta fl-Unjoni Ewropea.
Il-Ministru Frendo qal li din ir-realta’ gdida ghandha titqieghed fil-qalba tad-diskussjoni li ghandha twassal ghall-identifikazzjoni tal-miri strategici tal-politika barranija ta’ Malta. Michael Frendo qal li dan l-ezercizzju mhuwiex se jintemm mat-tmiem tal-Laqgha izda se jkompli biex il-politika barranija ta’ Malta tissarraf f’gid ekonomiku, politiku, socjali u kulturali ghall-pajjizna.
“Malta issa ghandha forum gdid li qatt ma kellha bhalu qabel fejn nistghu nippartecipaw u ninfluwenzaw id-decizjonijiet bi dritt. Malta issa hija pajjiz li jpoggi madwar il-mejda tad-diskussjoni ta’ l-Unjoni Ewropea u allura ghandha rilevanza politika ghal bosta pajjizi ohrajn” sostna l-Ministru Frendo.
Il-Ministru ta’ l-Affarijiet Barranin qal li dan id-dritt gdid li kiseb pajjizna mill-1 ta’ Mejju se jiehu hafna mill-energiji taghna biex Malta tkun tista’ tfassal u twettaq l-agenda taghha fl-Unjoni Ewropea. “L-agenda taghna trid titwettaq fil-kuntest ta’ l-Unjoni Ewropea u fil-kuntest tal-politika barranija Maltija. B’hekk Malta taghti l-kontribut taghha ghall-agenda ta’ l-Unjoni Ewropea” sostna Michael Frendo.
“Il-Mediterran u l-Ewropa jitimghu ’l xulxin. Permezz tal-politika Mediterranja, Malta zzid il-valur taghha fl-Unjoni Ewropea filwaqt li s-shubija ta’ Malta fl-Unjoni Ewropea ssahhah il-prezenza u r-rilevanza ta’ pajjizna fil-politika Mediterranja u fir-regjun tal-Mediterran b’mod generali” spjega l-Ministru Frendo.
Il-Ministru ta’ l-Affarijiet Barranin spjega li f’dan l-istadju jrid jisma’ l-opinjoni tal-partecipanti fil-Laqgha gholja li l-Ministru sejjhilhom bhala “il-mexxejja tal-Ministeru ta’ l-Affarijiet Barranin”.
Michael Frendo qal li l-Ambaxxaturi ta’ Malta huma ewlenin fost dawk li ghandhom jikkontribwixxu biex tissawwar il-politika barranija Maltija, flimkien mal-politici u mal-Gvern, minhabba li jinsabu fuq quddiem nett tal-politika barranija permezz tal-prezenza taghhom f’pajjizi ohra.
Other Press Releases:
PR261943
STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...
PR261942en