XOGHLIJIET ARTISTICI TA’ MARCO BRAUN
Il-Ministru għat-Turiżmu u Kultura, l-Onor Francis Zammit Dimech, nieda xogħlijiet artistiċi ta’ Marco Braun li aktar tard dan ix-xahar se jkunu esebiti f’Malta. Ix-xogħlijiet qed jintwerew bhalissa fi Christopher’s Restaurant, Ta’ Xbiex.
Marco Braun hu ta’ dixxendenza Maltija. Għal disa’ snin għex Pariġi fejn kien diġa beda bix-xogħol tal-pittura. Erba’ snin ilu ġie jgħix f’Malta fejn iddeċieda li jagħmel mill-pittura karriera artistika. Is-sena li għaddiet tella’ l-ewwel wirja tiegħu fl-Iskozja filwaqt li f’Settembru li ġej se jieħu parti f’wirja ta’ l-arti organizzata mill-Ambaxxata Maltija f’Pariġi.
Il-Ministru Francis Zammit Dimech qal li pajjiżna għaddej minn rinaxximent kulturali qawwi u li wirjiet bħal din kienu juru l-interess dejjem jikber li hawn għall-arti. Hu żied li jieħu pjaċir jara wirja bħal din tittella’ f’ambjent turistiku, għax permezz tal-kultura u l-arti nistgħu wkoll nkattru aktar l-industja tat-turiżmu f’pajjiżna. Hu feraħ lil Marco Braun għall-ħiliet artistiċi tiegħu u awguralu kull suċċess fil-karriera ġdida li qed isegwi.
Other Press Releases:
PR261943
STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...
PR261942en