Left arrow Go Back

INAWGURAT XOGĦOL TA’ RESTAWR FIL-KAPPELLA TA’ SANT’ANNA FIL-PWALES

PR1191
Date Icon 17/07/2004

Il-Ministru għat-Turiżmu u Kultura Francis Zammit Dimech qal li kien ta’ pjaċir għalih li jinawgura r-restawr li sar fil-Kappella ta’ Sant’Anna fil-Pwales minn ħaddiema tal-Gvern fi żmien li kien Ministru għar-Riżorsi u l-Infrastruttura.

Francis Zammit Dimech qal li tul l-aħħar snin, l-interess fil-wirt storiku u kulturali ta’ pajjiżna kiber mhux biss bil-ħolqien ta’ infrastruttura min-naħa tal-Gvern għall-ħarsien ta’ dan il-wirt, iżda anke bit-twelid ta’ għaqdiet volontarji. Il-Ministru għat-Turiżmu u Kultura qal li l-Gvern waqqaf il-Proġetti ta’ Riabilitazzjoni għall-belt Valletta , il-Floriana, il-Kottonera u l-Imdina. Twaqqaf ukoll il-Unit għar-Restawr. Dawn bejniethom qed iwettqu ħidma ta’ restawr u riabilitazzjoni fuq mijiet ta’ proġetti.  

Francis Zammit Dimech qal li bħala Ministru responsabbli mit-turiżmu u l-kultura kien jinteressah li jara li bini storiku f’pajjiżna jinżamm fi stat tajjeb. Hu qal li Malta kienet magħrufa għall-mijiet ta’ knejjes u kappelli u għat-teżori ta’ l-arti li kien fihom. Hu qal li dawn ridna nħarsuhom biex jitgawdew sew mill-poplu Malti u anke biex permezz tagħhom inkomplu nippromwovu Malta bħala esperjenza ta’ storja, arti u kultura.  

Il-Ministru għat-Turiżmu u Kultura qal li mxerrda mal-kampanja ta’ pajjiżna għandna numru kbir ta’ kappelli. Hu qal li dawn il-kappelli kienu jonqxu fihom parti importanti mill-istorja ta’ pajjiżna, għaliex mhux biss kienu postijiet ta’ kult iżda kienu jintużaw anke bħala postijiet ta’ tagħlim u difiża.  Il-Ministru Zammit Dimech qal li dawn il-kappelli llum kienu wkoll attrazzjoni turistika.  

Francis Zammit Dimech qal li tliet snin ilu kien irċieva talba mingħand l-Għaqda Ex-Studenti tal-Liċeo għal għajnuna biex jirrestawraw il-kappella qadima u sabiħa ta’ Sant’Anna fil-Pwales. Hu qal li permezz ta’ diversi taqsimiet fit-Taqsima tax-Xogħlijiet kien twettaq xogħol ta’ restawr fuq barra u fuq ġewwa tal-kappella u fis-sagristija. Kien sar ukoll xogħol ta’ waterproofing. Hu qal li kien jemmen li l-flus li ntefqu fuq dan il-proġett kienu nvestiti tajjeb għaliex kien ingħata kontribut biex din il-kappella terġa’ tingħata d-dehra sabiħa li kellha meta nbniet.  

Il-Ministru għat-Turiżmu u Kultura qal li bil-ħidma li twettqet, ġojjel arkitettoniku u storiku ieħor ta’ pajjiżna kien salvat biex jitgawda llum u minn ġenerazzjonijiet futuri. Francis Zammit Dimech qal li bħala Ministru responsabbli sew mit-turiżmu kif ukoll mill-kultura ried jinkoraġixxi kumpanniji kummerċjali u għaqdiet volontarji biex ikomplu jikontribwixxu għall-ħarsien tal-wirt storiku ta’ pajjiżna. Hu qal li diġa’ kien hemm diversi organizzazzjonijiet li kienu qed jikkontribwixxu iżda qatt ma kien biżżejjed għaliex  Malta kienet fost l-aktar pajjiżi li kellha bini storiku ta’ epoki differenti li jinfirxu tul perijodu ta’  7,000 sena.  

Francis Zammit Dimech qal li xtaq jirringrazzja lill-Għaqda Ex-Studenti tal-Liċeo għad-dedikazzjoni u ħidma tagħhom mingħajr interessi biex din il-kappella kienet restawrata u biex il-bdiewa u residenti oħra ta’ l-inħawi jgawdu l-festa ta’ Sant’Anna.  

Il-Ministru għat-Turiżmu u Kultura wara kixef irħama kommemorattiva li tfakkar dan ix-xogħol ta’ restawr. 

Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow