Left arrow Go Back

STQARRIJA KONĠUNTA BEJN IL-MINISTERU TA’ L-EDUKAZZJONI ŻGĦAŻAGĦ U XOGĦOL U L-MINISTERU TA’ L-AFFARIJIET RURALI U AMBJENT DWAR ĊENTRU REĠJONALI TA’ RIĊERKA DWAR L-EDUKAZZJONI AMBJENTALI

PR1170
Date Icon 14/07/2004

“It-twaqqif taċ-Ċentru għall-Edukazzjoni u Riċerka Ambjentali jikkonferma l-impenn tal-Gvern li jkompli jagħti importanza lill-inizjattivi li jippromwovu edukazzjoni ambjentali.” Dan qalu l-Ministru għall-Affarijiet Rurali u Ambjent George Pullicino waqt l-iffirmar ta’ Memorandum of Understanding, taċ-Ċentru għall-Edukazzjoni Ambjentali u Riċerka.  Iċ-Ċentru, li se jifforma parti mill-Fakulta’ ta’ l-Edukazzjoni ta’ l-Universita’ ta’ Malta għandu l-iskop li jipprovdi taħriġ u programmi ta’ riċerka għall-Malta u għall-bqija tar-reġjun Ewro-Mediterranju li jippromwovu edukazzjoni ambjentali u jgħin fl-iżvilupp ta’ esperti f’dan is-settur.

L-iffirmar sar mill-Ministru għall-Edukazzjoni, Żgħażagħ, u Xogħol, Louis Galea, il-Ministru għall-Affarijiet Rurali u l-Ambjent, George Pullicino, ir-Rettur ta’ l-Universita’, Roger Ellul Micallef u ċ-Chairman ta’ l-Awtorita’ ta’ Malta dwar l-Ambjent u l-Ippjanar, Andrew Calleja.   

Waqt l-iffirmar tal-ftehim il-Ministru Louis Galea qal li bil-ftuħ ta’ dan iċ-ċentru il-Gvern se jkun qed iżid ħolqa oħra fil-katina ta’ inizjattivi favur l-ambjent u partikolarment favur l-ambjent permezz ta’ l-Edukazzjoni.  Hu tenna li għalkemm il-Gvern irid ikompli jaħdem fuq l-infurzar tal-liġijiet l-edukazzjoni tibqa’ l-aħjar mezz biex il-poplu Malti jsir dejjem aktar konxju tal-bżonn ta’ ambjent nadif u b’saħħtu u tal-bżonn li l-ħajja tagħna tkun waħda sostenibbli u b’rispett sħiħ lejn l-ambjent.  

L-edukazzjoni ambjentali għandha tlett għanijiet ewlenin:

·     li żżid l-għarfien dwar l-aspetti kollha li jeffettwaw l-ambjent (id-dimensjoni ekonomika, soċjali, politika u ekoloġika);

·     li tipprovdi opportunitajiet għaċ-ċittadin biex jikseb tagħrif, valuri, attitudni, impenn u abilita’ li huma meħtieġa għall-protezzjoni u t-titjib ta’ l-ambjent; u

·     li tippromwovi metodi ta’ imġieba li jirrispettaw l-ambjent.  

Kif kien konfermat ukoll mill-proċess ta’ konsultazzjoni li għandu jwassal għall-Strateġija Nazzjonali għal Żvilupp Sostenibbli, l-edukazzjoni titqies bħala waħda mill-bżonnijiet ewlenin għall-implimentazzjoni ta’ inizjattivi ta’ żvilupp sostenibbli.  

Il-Ministru Pullicino qal li permezz tat-twaqqif ta’ dan iċ-Ċentru, il-Gvern qed jagħmel pass konkret favur l-iżvilupp ta’ l-edukazzjoni ambjentali fil-bidu ta’ l-United Nations Decade of Education for Sustainable Development.  

Kif kien intqal fil-Pjan ta’ Implimentazzjoni fi tmiem is-Summit Dinji dwar Żvilupp Sostenibbli li kien sar fl-2002 – ‘Education for Sustainable Development is an investment in our future…each respective country should ensure that appropriate resources are made available for its development'.

Iċ-Ċentru għall-Edukazzjoni u Riċerka Ambjentali, li se jopera minn bini li kien jintuża bħala skola primarja fil-Fawwara, limiti tas-Siġġiewi, qed jitwaqqaf mill-Ministeru għall-Affarijiet Rurali u l-Ambjent u bil-kollaborazzjoni ta’ l-Universita’ ta’ Malta , il-Ministeru ta’ l-Edukazzjoni, Żgħażagħ u Xogħol, u l-Awtorita’ ta’ Malta dwar l-Ambjent u l-Ippjanar (MEPA).  

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow