Left arrow Go Back

KAMPANJA TA’ TINDIF TAL-BAJJIET F’GĦAWDEX

PR1123
Date Icon 06/07/2004

Għat-tieni sena konsekuttiva, il-Ministeru għal Għawdex nieda kampanja ta’ tindif ta’ qiegħ il-baħar fil-bajjiet prinċipali f’Għawdex u Kemmuna għal matul is-sajf.  

Wara s-suċċess li kisbet il-kampanja s-sena l-oħra, il-Ministeru għal Għawdex iddeċieda li din is-sena jtawwal il-kampanja minn dik preċedenti biex b’hekk tkun tista’ tkopri wkoll aktar bajjiet. Fil-fatt, ħdax-il bajja f’Għawdex u Kemmuna ser ikunu mnaddfa regolarment minn skart li jintefa’ fil-baħar tal-inħawi.  

Waqt l-inawgurazzjoni tal-kampanja li saret fil-bajja ta’ Marsalforn, il-Ministru għal Għawdex Giovanna Debono qalet li l-baħar huwa l-aktar riżorsa mfittxija kemm mit-turisti kif ukoll min-nies tal-lokal fix-xhur tas-sajf, u l-Ministeru huwa impenjat li jżomm dawn il-bajjiet fl-aħjar kundizzjoni possibbli. Fil-fatt, regolarment matul is-sena iżda b’mod partikolari fis-sajf, ħaddiema ta’ sezzjonijiet differenti fi ħdan il-Ministeru għal Għawdex iwettqu xogħol ta’ manutenzjoni u tisbiħ fil-bajjiet. Din il-kampanja wkoll tikkumplimenta t-tindif tax-xtut li jsir regolarment.  

Il-Ministru qalet li l-esperjenza tas-sena l-oħra kienet waħda pożittiva għaliex minbarra li ġie mnaddaf qiegħ il-baħar fl-aktar bajjiet popolari t’Għawdex, għenet biex tinħoloq kuxjenza dwar il-ħtieġa li kulħadd jagħmel l-almu tiegħu biex il-bajjet li rridu ngawdu aħna u dawk li jżuruna jkunu fl-aħjar kundizzjoni possibbli.  

Il-bajjiet inklużi f’din il-kampanja din is-sena jinkludu x-Xlendi, Marsalforn, ix-Xwejni, il-Qbajjar, ir-Ramla, Daħlet Qorrot, Ħondoq ir-Rummien, il-Qawra fid-Dwejra kif ukoll il-bajjiet tal-Blue Lagoon u ta’ Santa Marija f’Kemmuna.

Il-Ministru Debono qalet li l-Ministeru għal Għawdex qiegħed jipprovdi l-assistenza finanzjarja sabiex il-kampanja tkun immexxija minn żewġ organizzazzjonijiet mhux governattivi li huma attivi ħafna f’Għawdex, il-Victoria Scout Group u l-Fergħa ta’ Għawdex tas-Soċjeta’ tas-Salib l-Aħmar. Hija rringrazzjat lil dawn iż-żewġ għaqdiet li ser ikunu qiegħdin iwettqu xogħol għall-benefiċċju ta’ l-Għawdxin, Maltin u t-turisti li jkunu fostna matul dawn ix-xhur.  

Il-Ministru qalet li l-għan prinċipali ta’ din il-kampanja, minbarra li nnaddfu il-bajjiet huwa li noħolqu kuxjenza fil-poplu biex ma jħammiġx dawn il-postijiet u b’hekk ikun jista’ jgawdihom kulħadd. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow