Left arrow Go Back

JUM INTERNAZZJONALI TAL-KOPERATTIV

PR1116
Date Icon 05/07/2004

Il-Ministru ta’ l-Edukazzjoni, Żgħażagħ u Impjiegi ndirizza konferenza organizzata mill-APEX l-organizzazzjoni tal-koperattivi Maltin.  Il-Konferenza saret fl-okkażjoni ta’ l-għaxar Jum Internazzjonali tal-Koperattivi.

Fid-diskors tiegħu, il-Ministru Louis Galea qal li t-tema tal-Konferenza ta’ l-APEX, ‘Il-koperattivi fi globalizzazzjoni ġusta: ħolqien ta’ opportunitajiet għal kulħadd’ hi bbażata fuq rapport li ħareġ dan l-aħħar mill-Għaqda Dinjija tax-Xogħol dwar il-globalizzazzjoni.  Louis Galea qal li filwaqt li ħafna jħossu li bħala individwi ma jistgħux jeffetwaw il-globalizzazzjoni dan id-dokument jitkellem dwar id-dimensjoni lokali ta’ l-istess globalizzazzjoni.  Hu qal li biex nibdew inħollu l-kobba tal-globalizzazzjoni rridu l-ewwel nett nindirizzaw u nsolvu kwistjonijiet lokali.  Hu semma fost oħrajn il-kwistjoni ta’ l-iżvilupp sostenibbli li għalkemm tidħer fuq quddiem nett tal-kwistjonijiet globali hi wkoll kwistjoni li irridu nitrattaw lokalment.  

Louis Galea tkellem ukoll dwar il-Pjan Nazzjonali għall-Impjiegi li fiħ ukoll wieħed isib ir-rwol tal-koperattivi.  Hu qal li hekk kif tibda d-diskussjoni pubblika tal-pjan irridu ninġabru lkoll madwar dan il-pjan biex kulħadd jagħti l-kontribuzzjoni tiegħu.  Il-Ministru Galea qal li hemm bżonn ineħħu minnmoħħ il-poplu l-idea żbaljata li l-koperattivi huma xi ħaġa antikwata u huma limitati għal xi setturi partikolari.  ‘Hemm bżonn li nippromwovu l-mudell tal-koperattivi partikolarment billi inwasslu fil-pubbliku s-suċċessi li qed jinkisbu minn koperattivi f’setturi differenti.  

Louis Galea semma wkoll il-bżonn li jkompli jiżviluppa l-programm ta’ l-iScoops fl-iskejjel.  Hu qal li għalkemm il-programm hu wieħed tajjeb u qed ikun suċċess f’dawk l-iskejjel li jħaddnuħ, hemm bżonn li l-iskejjel kollha jieħdu dan il-programm b’aktar entużjażmu kif jissuġġerixxi l-Kurrikulu Nazzjonali. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow