Left arrow Go Back

IL-ĦOLQIEN TAX-XOGĦOL GĦAŻ-ŻGĦAŻAGĦ

PR1115
Date Icon 05/07/2004

Il-Ministru ta’ l-Edukazzjoni, Żgħażagħ u Impjiegi fetaħ il-konferenza organizzata mill-Gozo Association for the Deaf.  Il-konferenza hi parti minn proġett taħt il-programm Grundtvig 2 ta’ l-UE li fiħ l-iskola Helen Keller u l-Assoċjazzjoni ippartecipaw tul l-aħħar sena.  Fil-konferenza ppartecipaw ukoll Andrew Broughton mill-Ingilterra u Asa Andersonn mill-iSvezja, koordintauri tal-programm Gruntvig 2 f’pajjiżhom. Il-konferenza ffokat fuq l-analiżi ta’ kwestjonarju li sar fit-tliet pajjiżi dwar il-kwalita` ta’ l-appoġġ mogħti mill-għalliema lil studenti żgħażagħ neqsin mis-smigħ.

L-iskop ewlieni tal-proġett hu li jagħti gwida u pariri lill-ġenituri ta’ tfal neqsin mis-smigħ.  Il-proġett joffri l-opportunita’ lill-ġenituri jgħidu x’inhuma l-bżonnijiet tagħhom u kif dawn jistgħu jiġu sodisfatti mill-organizzazzjonijiet ta’ appoġġ.  Il-proġett hu maħsub ukoll biex joħloq rabtiet bejn organizzazzjonijiet li joffru servizzi ta’ appoġġ madwar l-Ewropa u permezz ta’ dawn ir-rabtiet isir żvilupp u taħriġ tal-professjonisti li jgħinu lill-ġenituri u lit-tfal tagħhom.  

Il-proġett kien jinvolvi kwestjonarju li ntbgħat lill-ġenituri f’Malta, l-Ingilterra ( Shropshire ), u l-Isvezja ( Orebro ) li għandhom tfal bi problemi ta’ smigħ fl-eta’ ta’ bejn 15 u 25 sena.  Wara analiżi tar-riżultati ta’ dan il-kwestjonarju, rappreżentanti minn kull pajjiż żar l-organizzazzjonijiet l-oħrajn fil-pajjiżi li kienu qed jipparteċipaw f’dan il-proġett bl-iskop li l-ewwelnett jitjiebu r-relazzjonijiet bejn dawn l-organizzazzjonijiet u t-tieni biex il-pajjiżi jitgħallmu minn xulxin.  Il-Konferenza f’Malta hi maħsuba li tevalwa r-riżultati li nkisbu fit-tliet pajjiżi u biex jinħoloq pjan ta’ azzjoni biex il-proġett ikompli jiżviluppa.  

Fid-diskors tiegħu, il-Ministru Louis Galea qal li filwaqt li l-iskola Helen Keller li tipprovdi programm speċjali edukattiv għal 28 student, għandna ukoll 80 student bi problemi ta’ smigħ fl-iskejjel normali. Hu qal li d-Diviżjoni ta’ l-Edukazzjoni wettqet diversi miżuri u strutturi fosthom l-istatementing board, arranġamenti speċjali għall-eżamijiet, tagħlim id-dar għal min ikollu bżonn, tagħlim tal-qari tax-xuftejn (lip-reading) u tagħlim tal-lingwa tas-sinjali bil-Malti.  Il-Ministru Galea ħabbar ukoll li d-Divizjoni ta’ l-Edukazzjoni flimkien ma’ dik tas-Saħħa ser jintroduċu servizz ta’ awdjologu edukattiv (educational audiologist) biex jaħdem ma’ l-istudenti neqsin mis-smigħ.  

Louis Galea qal li kull-tifel u tifla għandhom il-metodu tagħhom kif jitgħallmu u dan hu aktar evidenti fost l-istudenti bi problemi ta’ smigħ.  Hu qal li rridu niżguraw li kull tifel ikollu aċċess għall-kurrikulu u dan jista’ jseħħ biss jekk nipprovdu edukazzjoni ta’ kwalita` li tindirizza l-bżonnijiet partikolari ta’ l-istudent ikunu xi ikunu.

Minister’s speech follows


Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow