L-ISKOLA SEKONDARJA L-ĠDIDA TAL-KARWIJA FI STADJU AVVANZAT TA’ BINI - AVVANZAT WKOLL IL-PROĠETT TA’ ESTENSJONI FL-ISKOLA PRIMARJA TA’ ĦAL LUQA
| Il-Ministru ta’ l-Edukazzjoni l-Onor. Louis Galea żar is-sit fejn | il-bini ta’ l-iskola sekondarja l-ġdida tal-Karwija issa wasal fi stadju avvanzat. Il-Ministru Galea qal li kien sodisfatt li fi ftit xhur sar ħafna xogħol biex issa f’partijiet mill-iskola qed jissaqqaf it-tieni sular. Louis Galea qal li l-iskola tal-Karwija hi l-ewwel skola li qed tinbena mill-Fondazzjoni għall-iSkejjel ta’ Għada (Foundation for Tomorrow’s Schools-FTS). Dan jawgura tajjeb għall-bini tat-tieni skola sekondarja li ser tinbena fil-Mosta (taż-Żokrija) għan-naħa ta’ fuq ta’ Malta. |
| Ix-xogħol | ta’ tħammil fis-sit ta’ l-iskola tal-Karwija beda f’Jannar li għadda u f’Marzu tpoġġiet l-ewwel ġebla mill-Prim Ministru. Minn dak iż-żmien, ix-xogħol baqa’ għaddej b’ritmu mgħaġġel biex sa ħames xhur wara, il-livell ta’ isfel kważi lest kompletament mill-kostruzzjoni u issa miexi sew il-bini tas-sular ta’ fuq. Fil-fatt fil-blokkijiet A, B, u Ċ beda jissaqqaf it-tieni sular, fil-blokk Ċ tlestew il-pedamenti u beda x-xogħol fuq l-ewwel sular, u fis-Central Foyer tlesta l-ewwel sular u ssaqqaf parzjalment. Tlesta wkoll wieħed mill-ġibjuni ta’ l-ilma u ġew skavati t-tlieta l-oħra li bħalissa qed isirilhom ix-xogħol tal-ġebel. Beda wkoll jinbena l-‘boundary wall’ ta’ l-iskola li se jkun fiħ aktar minn 700 metru tul. |
| L-iskola | tal-Karwija, li tinsab bejn il-lokalitajiet ta’ Ħal Kirkop u Ħal Safi mistennija tiflaħ sa 1000 student u se tfisser investimet ta’ madwar Lm 2.5 miljun fl-iskola u madwar Lm 2 miljun f’Kumpless Sportiv li għandu jinbena biswit l-iskola. |
| L-iskola | hu maħsub li jkollha: |
· 40 klassi u 43 resource room;
· 17-il kamra speċjalizzata li jinkludu kmamar għad-drama, mużika, arti, business u environmental studies, home economics u PSD;
· 6 laboratorji tal-kompjuter, 8 laboratorji tax-xjenza u 7 laboratorji tat-teknoloġija;
· Kappella u klinika;
· Faċilitajiet għall-istaff ta' l-iskola li jinkludu fost oħrajn tliet staff rooms, uffiċini, boardroom u erba' kmamar għall-laqgħat;
· Librerija;
· Multi-purpose hall;
· U diversi faċilitajiet sanitarji f'kull sular għall-istudenti u għall-istaff li jinkludu faċilitajiet għall-persuni b'diżabilita'.
| Il-Ministru | qal li bħalissa qed jiġu finalizzati d-disinji tas-sistemi ta’ dawl, ilma, drenaġġ, kif ukoll sistema ta’ telekomunikazzjoni u network tal-kompjuters, xogħlijiet ta’ finitura, aperturi u landscaping bl-iskop li jitħejjew id-dokumenti tat-tenders relattivi li mistennija jiġu ppublikati fix-xhur li ġejjin. Fl-istess ħin il-Ministeru taż-Żgħażagħ u l-Arti qiegħed iħejji l-pjanti għall-bini tal-Kumpless Sportiv. |
| Il-Ministru | Louis Galea żar ukoll l-iSkola Primarja ta’ Ħal Luqa fejn qed isir proġett kbir ta’ bini ta’ estensjoni ta’ l-iskola. Il-proġett fl-iskola ta’ Ħal Luqa jinvolvi l-bini ta’ sular ieħor fuq parti mill-iskola u t-twaqqiegħ tal-parti ta’ wara fejn eventwalment ser jkun hemm il-faċilitajiet rikreattivi ta’ l-iskola. Il-proġett jinkludi wkoll il-bini ta’ blokk ġdid fiċ-ċentru ta’ l-iskola li fiħ se jkun hemm sala u blokk ieħor għall-klassijiet tal-mużika, drama, xjenza, u arti. Il-proġett jinvolvi wkoll titjib ġenerali tal-faċilitajiet interni u esterni ta’ l-iskola. |
| Meta | jitlesta il-proġett kollu f’din l-iskola, filwaqt li jkunu tjiebu il-faċilitajiet kollha, l-iskola ikollha sala ġdida, numru ta’ klassijiet speċjalizzati u faċilitajiet rikreattivi estiżi. |
| Il-Proġett | ta’ l-iskola ta’ Ħal Luqa jinvolvi xogħol li jirrispetta l-ambjent tal-madwar kif ukoll l-estetika ta’ l-istess skola li hi skola li inbniet aktar minn 50 sena ilu. Dan kien ifisser li d-disinn tal-partijiet il-ġodda kellhom jikkumplimentaw il-bini l-antik u fil-fatt qed jintużaw partijiet mill-lavur tal-bini l-antik biex ma jintilifx il-karattru ta’ l-iskola. |
| Fl-iskola | ta’ Ħal Luqa qed isir investiment ta’ madwar Miljun Lira. |
| Il-Ministru | Louis Galea fisser li pass pass ma’ l-iżvilupp ta’ l-ambjent fiżiku ta’ l-iskejjel, jeħtieġ titjieb il-kwalita’ tar-riżultati ta’ l-istudenti. Fl-iskejjel tal-Gvern jeħtieġ li jiżdiedu, b’mod li jinħass, id-dixxiplina u l-imġieba tajba f’kull livell. Il-Ministru sostna li issa ħadd m’għandu skuża li ma jafx x’inhi l-policy dwar id-dixxiplina fl-iskejjel, la l-kapijiet, la l-għalliema, la l-istudenti u lanqas il-ġenituri. Il-policy hi ċara u pubblikata u tistabbilixxi r-regoli ta’ dixxiplina u mġieba għal kulħadd. Jonqos li tiġi applikata b’mod ġust, bla favuri u konsistenti f’kull skola mill-Iċken sa l-ogħla livell. |
| Il-Ministru | Galea qal li l-ħafna tajjeb li qed isir fl-iskejjel tal-Gvern ikompli jisaħħaħ biex tkompli tikber il-fiduċja tal-ġenituri. Huwa qal li l-irwol u l-ħila tat-tim edukattiv kif immexxijja mill-kap tagħhom huwa kruċjali biex fl-iskola jinħoloq ambjent sabieħ ta’ ordini, dixxiplina, tagħlim u formazzjoni. Hu għalhekk li l-Ministeru qed ifassal sistema ġdid ta’ organizzazjoni u tmexxija ta’ l-iskejjel primarji u sekondarji tal-Gvern. Fis-sistema l-ġdid, il-kapijiet ta’ l-iskejjel ser jaħdmu f’ambjent fejn huma jkunu jistgħu jikkonċentraw ħafna aktar fuq l-irwol tagħhom ta’ leaders edukattivi u fejn it-tmexxijja ta’ l-iskejjel issir b’mod maniġerjali aktar effettiv u awtonomu u f’qafas ta’ kurrikulu u strateġija nazzjonali mmexxija mill-Ministeru. |
Stqarrijiet Oħra:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en