Kompetizzjoni għad-Disinn ta’ Skola Sekondarja Ġdida fil-Mosta
pr957
08/08/2003
| Il-Ministru | ta’ l-Edukazzjoni, l-Onor. Dr. Louis Galea nieda kompetizzjoni għad-disinn ta’ l-iskola sekondarja tas-subien il-ġdida li trid tinbena fil-Mosta, biex fiha tilqa’ madwar 600 student mill-inħawi, kif ukoll 70 membru ta’ l-istaff. Il-kompetizzjoni, li hi f’forma ta’ tender, qed tinħareġ mid-Dipartiment tal-Kuntratti u wieħed jista’ jikseb kopja tad-dokumentazzjoni mill-istess dipartiment. L-offerti se jintlaqgħu sas-6 ta’ Novembru 2003. |
| Il-Kompetizzjoni | ser issir f’żewġ fażijiet. Fl-ewwel fażi jiġu sottomessi disinji preliminari u dawn jiġu short-listed għal ftit disinji. Fit-tieni fażi id-disinji jridu jidħlu f’aktar dettal u l-aħjar disinji jirbħu l-perizja tal-proġett. Fiż-żewġ stadji ta’ deċiżjonijiet dwar id-disinji se jkun hawn esperti fl-arkitettura u ‘value management’ barranin bħala parti mill-bord ta’ aġġudikazzjoni. |
| Din | l-iskola se tkun it-tieni skola sekondarja li l-Fondazzjoni għall-iSkejjel ta’ Għada (Foundation for Tomorrow’s Schools – FTS) se tkun qed tibni mill-ħolqien tagħha ftit aktar minn sentejn ilu. L-ewwel Skola sekondarja kienet dik tal-Karwija (bejn l-irħula ta’ Ħal Kirkop u Ħal Safi) li issa waslet fi stadju avvanzat ta’ bini. |
| Il-Ministru | Louis Galea qal li l-lokalita’ tal-Mosta u dawk ta’ madwarha kibru b’mod estensiv f’dawn l-aħħar tletin sena u l-istatistika demografika turi li dan it-tkabbir se jkompli għal xi żmien. Il-Bini ta’ skola sekondarja tas-subien fil-Mosta se tkun tista’ taqdi l-bżonnijiet tal-Mosta kif ukoll ta’ lokalitajiet fil-viċin bħall-Attard, Iklin, Baħar iċ-Ċagħaq, Buġibba, Burmarrad, Mellieħa, Mġarr, Naxxar, Qawra, Selmun, u San Pawl il-Baħar. |
| L-iskola | l-ġdida tal-Mosta se jkun fiha: · 30 klassi generali |
· Klassijiet għal mużika, arti, home economics, drama, audio-visual u PSE
· 3 Laboratorji tal-Kompjuter
· 7 Laboratorji oħra
· 4 Technology Workshops
· Multi-purpose Hall
· Librerija
· Careers room u Guidance and Counselling rooms
· Stazzjon tar-Radju
· Kappella
· Faċilitajiet sanitarji
· Staff rooms
· Uffiċini għall-amministrazzjoni
| Faċilitajiet | Sportivi li se jkollha l-iskola jinkludu: · Football 11-a-side · Football 5-a-side · Volleyball · Basketball · Tennis · Athletics · Hockey (outdoor) · Hockey (indoor) |
| L-iskola | se jkollha diversi spazji oħra li jinkludu l-parking, gibjuni ta’ l-ilma, u diversi spazji oħra għar-rikreazzjoni u għall-ħażna. |
| L-ispazji | interni se jkopru mal-5000 metru kwadru u peress li l-iskola se jkollha mat-tlett sulari se jkun hemm spazji ta’ aktar minn 8600 metru kwadru għall-użu tal-klassijiet u kmamar oħra. L-ispazji esterni se jkopru mal-10,700 metru kwadru u b’hekk se jkun hemm area kumplessiva ta’ 15,700 metru kwadru. |
| Il-Ministru Louis Galea ħeġġeġ lill-periti u kumpaniji tal-periti | biex jidħlu għal din il-kompetizzjoni u joffru l-ideat innovattivi tagħhom biex l-iskola tal-Mosta tkun waħda mill-iskejjel ta’ għada li qed noħolqu għall-poplu Malti. Hu temm jgħid li din l-iskola mhux biss se tkun qed isservi l-bżonnijiet tat-tfal tal-Mosta u tal-lokalitajiet viċini, iżda se tkun qed toffri riżorsi u spazji għall-komunita’ u għalhekk kulħadd se jkun qed igawdi minn dan l-iżvilupp. |
Stqarrijiet Oħra:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en