Left arrow Go Back

Tishih ta’ l-Istitut ta’ l-Inginerija tal-Bini u Kostruzzjoni - MCAST

pr911
Date Icon 24/07/2003

L-Istitut ta’ l-Inġinerija tal-Bini u Kostruzzjoni ta’ l-MCAST qiegħed itella’ għall-ewwel darba din is-sena konferenza dwar l-iżvilupp kontinwu u professjonali ta’ l-impjegati. It-taħriġ qed jiġi organizzat bl-għajnuna ta’ kumpanija Maltija ta’ taħriġ. It-tema ser tkun "Il-Kwalita’ ta’ Tagħlim u Taħriġ" peress li ser jiġu diskussi l-aspetti tat-tgħalim, il-post tax-xogħol u l-effetti tat-taħriġ fid-dinja tax-xogħol.

Il-Ministru ta’ l-Edukazzjoni Louis Galea qal li it-taħriġ kontinwu huwa bżonjuz għad-dinja tax-xogħol biex ikun hemm bażi soda. Il-Ministru kompla jzid li l-MCAST, qed jipprovdi diversi opportunitajiet għal numru kbir ta’ studenti kemm irġiel kif ukoll nisa, u ta’ kull eta biex ikomplu t-taħriġ fis-suġġett ta’ l-għażla tagħhom, kemm part-time kif ukoll full-time. Il-Ministru Galea qal li l-MCAST qed jaħdem ukoll biex ikollu rabta tajba mad-dinja tax-xogħol u istituzzjonijiet oħra tat-tagħlim biex it-taħriġ li jinagħta ikun l-aktar reċenti u avvanzat.

Waqt din il-konferenza, ġie pprezentat donazzjoni ta’ Lm1000 mingħand ir-Royal Institute of Chartered Surveyors U.K. (Malta). Din id-donazzjoni ser tkun uzata biex jinxtara l-aktar software avvanzat fil-qasam ta’ Quantity Surveying, ‘Masterbill’, għall-istudenti li jattendu dan il-kors.

Dan l-Istitut għadu kif ikkonkluda l-ewwel sena minn part-time kors ta’ tlett snin, li jwassal għal Diploma li qed jiġi organizzat lokalment f’kollaborazzjoni mall-Kulleġġ ta’ l-Estate Management (Renju Unit). Dan huwa l-ewwel ftehim ta’ kollaborazzjoni li ntlahaq s’issa ma’ l-MCAST, ftehim li eventwalment ser iwassal l-istudenti Maltin biex jidħlu għat-tielet sena tad-degree fil-kors ta’ Quantity Surveying fl-Universita’ ta’ Reading. Fil-preżent hemm 27 student jattendu dan il-kors.

Permezz ta’ dan il-ftehim ma’ l-Istitut taċ-Chartered Surveyors U.K. id-diploma li tinagħta qed tiġi rikonoxxuta mill-Kulleġġ ta’ l-Estate Management. Dan ifisser li l-istudenti li jikkwalifikaw għandhom l-opportunita’ li jsiru membri tat-TechRics li tagħmel parti mill-Istitut tas-Surveyors.

Il-Ministru Louis Gales qal li permezz ta’ dan il-ftehim ta’ kollaborazzjoni qed jizdiedu l-opportunitajiet għall-istundenti Maltin. Huwa żied li permezz tal-flessiblita’ u l-versatilita’ tal-MCAST, qed jiġbed lejħ numru dejjem jikber ta’ studenti. Il-Ministru qal li dan jawgura tajjeb għall-ftuħ tat-tlett istituti godda li ser jiftħu f-Settembru li ġej. Dawn it-tlett istituti ukoll se jkunu mibnija fuq pedamenti tajbin u fuq it-tajjeb li diġa kien hemm Iżda permezz ta’ l-MCAST hu mistenni li jingħataw l-ispinta li għandhom bżonn biex ikomplu jservu l-ħtiġijiet tal-pajjiż u joħolqu oqsma ġodda ta’ taħriġ u xogħol.

L-Istitut ta’ l-Inginerija tal-Bini u Kostruzzjoni bħalissa jakkomoda 350 student full-time u 160 part-time li jattendu l-korsijiet fil-għaxija. Il-korsijiet full-time li qed joffri l-MCAST huma:

  1. Certificate course in Trowel trades that is Plastering & Tile laying; Painting & decorating and Glazing.
  2. Certificate course in stone construction leading to mason's licence.
  3. Certificate course in Stone Heritage Skills
  4. Certificate course in Construction and Engineering Skills
  5. Technician level course in Heating Ventilation & Air conditioning
  6. Technician level course in Draughtsmanship

L-Infiq kapitali din is-sena kien ta’ Lm 25,000, li jinkludi fih investiment sostanzjali fl-IT.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow