INIZJATTIVA BIEX ŻGĦAŻAGĦ TA’ TAĦT IL-21 SENA JATTENDU D-DRESS REHEARSAL TA’ L-OPRA: LA BOHEME
pr904
23/07/2003
| Il-Gvern | qiegħed jaħdem bis-sħiħ biex iħajjar iż-żgħażagħ jersqu aktar lejn forom ta’ kultura li m’humiex daqstant popolari magħhom. |
| Dan | qalu dal-għodu l-Ministru għaż-Żgħażagħ u l-Kultura, l-Onor. Jesmond Mugliett meta ħabbar inizjattiva li permezz tagħha, iż-żgħażagħ ta’ taħt il-21 sena ser jingħataw l-opportunita jaraw id-dress rehearsal ta’ l-opra La Boheme mingħajr ħlas. Din ser issir fil-Portomaso Marina fid-29 ta’ Lulju. |
| Il-Ministru | Mugliett qal li minkejja li dan l-avveniment huwa inizjattiva ta’ imprendituri privati, dan ma jfissirx li l-Gvern m’għandux interess fiha. Hu żied li minbarra li tgħin biex tittejjeb il-perċezzjoni ta’ pajjiżna ‘l hinn minn xtutna, avvvenimenti bħal Opera on the Water, jgħinu biex ikunu sfruttati postijiet madwar Malta li jistgħu jintużaw bħala sfond għal attivitajiet kulturali. |
| Il-Perit | Mugliett żied li l-organizzaturi qed iġibu rappreżentazzjoni artistika ta’ kwalita’ għolja li tinvolvi investiment sostanzjali. Hu qal għalhekk, l-għajnuna tal-Gvern lejn għanijiet bħal dawn hija importanti u tagħmel id-differenza. |
| Qal | ukoll li ta’ spiss isir diskors li l-opra hija attivita kulturali għal pubbliku ristrett. Hu żied iżda li l-post speċjali fejn qed tittella’ La Boheme għandu joffri opportunita’ ġdida biex jersaq pubbliku ġdid lejn l-opra. |
| Il-Ministru | għaż-Żgħażagħ u l-Kultura kompla jgħid li l-Kunsill Malti għall-Kultura u l-Arti flimkien mal-organizzaturi ta’ Opera on the Water qed jieħdu inizjattiva biex żagħżagħ ta’ taħt il-21 sena jitħallew jattendu d-‘dress rehearsal’ b’xejn. Din l-inizjattiva hija ntenzjonata biex tressaq l-opra lejn il-ġenerazzjonijiet li qed jilhqu. Hu qal li l-fatt li l-opra La Boheme ser issir f’ambjent tant differenti għandha tiftaħ il-bibien għal żgħażagħ li x’aktarx ma kienux jattendu kieku din l-opra kellha ssir f’teatru. Hu kompla jghid li b’din l-opportunita li ser jingħataw, ż-żgħażagħ ser japprezzaw li l-opra m’hix xi ħaġa li tappella biss għall-ġenerazzjonijiet akbar. |
| Il-Ministru | temm jgħid li l-Gvern qiegħed jagħti priorita’ lit-tkattir tal-apprezzament tal-kultura fost iż-żgħażagħ u li dan l-għan jista’ jintlaħaq permezz ta’ modi innovattivi. Hu qal li persważ li Opera on the Water ser tagħmel propju dan. |
| Intant, | il-preparamenti għal Opera on the Water qed ikomplu b’pass mgħaġġel. Il-bini tal-istage fil-Marina ta’ Portomaso issa beda, filwaqt li l-kantanti liriċi li ser jieħdu sehem ser jaslu aktar tard din il-ġimgħa. L-orkestra mistennija tasal kmieni l-ġimgħa d-dieħla. |
Stqarrijiet Oħra:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en