Left arrow Mur Lura

PAZJENTA F’MONTE CARMELI TAGĦLAQ 100 SENA

PR85
Date Icon 23/01/2003
Għall-ewwel darba pazjenta f’Monte Carmeligħalqet mitt sena. Il-pazjenta Francesca Libreri mill-Furjana ilha għal dawn l-aħħar 14-il sena rikoverata fl-isptar Monte Carmeli.
Francesca hija xebba u l-iżgħar fost ħutha ukienet baqgħet attiva sakemm daħlet Monte Carmeli fl-1988. Francesca kellha tliet neputijiet u wieħed u tletin pro-neputi.
Jum għeluq sninha kien jum speċjali mhux biss għalFrancesca imma ukoll għall-pazjenti kollha fis-Sala Numru 2. Is-sala ġiet imżejna għall-okkażjoni u atmosfera ta’ ferħ irrenjat hekk kif ġiet iċċelebrata quddiesa bħala radd ta’ ħajr u festin żgħir għall-pazjenti, impjegati u mistednin distinti fosthom il-Prim Ministru u s-Sinjura tiegħu, il-Ministru tas-Saħħa Louis Deguara, is-Segretarju Parlamentari Antoine Misud Bonnici u rapreżentant tal-Kap ta’ l-Oppożizzjoni Michael Farrugia.
Il-quddiesa li għaliha attendew numru ta’familjari ta’ Francesca, fosthom uħud li ġew minn barra minn Malta, kienet ikkonċelebrata minn erba’ saċerdoti biċ-ċelebrant ikun il-pro neputi tagħha Fr Joe Libreri.
F’kelmtejn ta’ l-okkażjoni, wara li Francescaġiet mgħotija diversi rigali minn dawk preżenti, is-Sur Edward Borg il-Kap Eżekuttiv ta’ l-isptar, irringrazzja lil dawk kollha li b’tant għożża u dedikazzjoni jieħdu ħsieb il-pazjenti b’mod partikolari l-istaff tas-Sala mmexxija min-Nursing Officer Josephine Tanti.
Bosta mill-mistednin ikkummentaw fuq l-ambjentfiżiku u l-atmosfera tas-Sala fejn jidher li kulħadd qisu familja waħda. Tabilħaqq dan jirrifletti l-isforzi kemm min-naħa tal-Ministeru tas-Saħħa kif ukoll mit-tmexxija ta’ l-isptar biex jiġi affermat li l-isptar Monte Carmeli huwa sptar bhal-oħrajn kollha fejn tingħata l-aħjar kura possibli biex anki l-pazjenti jgħixu ħajja ta’ kwalità aħjar. Il-kura u d-dedikazzjoni li tingħata Francesca Libreri hija xhieda ta’ dan.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi nofs miljun ewro f’10 proġetti ta’ playing fields u spazji ta’ rikreazzjoni f’Malta u Għawdex

PR261932

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi n...

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

Aktar Stqarrijiet Right arrow