Left arrow Go Back

L-AWTORITA’ TAD-DJAR TASSISTI L-VITTMI TAL-VJOLENZA DOMESTIKA

PR790
Date Icon 27/06/2003

L-Awtorita’ tad-Djar illum għamlet għotja ta’ Lm 25,000 lil ‘Dar Merbħa Bik’, il-kenn għan-nisa u tfal li jkunu sfaw vittma tal-vjolenza domestika.  Dawn il-fondi se jiffinanzjaw tkabbir tad-dar eżistenti u jiżguraw il-privatezza għan-nisa u tfal li jagħmlu użu minn dawn is-servizzi.  Dan tħabbar illum waqt konferenza ta’ l-aħbarijiet, mis-Segretarju Parlamentari fil-Ministeru għall-Politika Soċjali, l-Onor. Dolores Cristina, u miċ-Chairperson ta’ l-Awtorita’ tad-Djar,  Marisa Micallef Leyson. 

Dawn il-fondi tqassmu bħala parti minn inizjattiva li bdiet xi sentejn ilu u tfasslet bil-għan li tassisti NGOs li jipprovdu, jew li bi ħsiebhom jipprovdu servizz ta’ housing.  L-Awtorita’ tad-Djar diġa’ għenet lil ‘Dar Merbħa Bik’ permezz ta’ xi appartamenti li għaddiet lid-Dipartiment ta’ l-Akkomodazzjoni Soċjali biex jintużaw minn nisa li jitilqu mid-‘Dar Merbħa Bik’ u jikkwalifikaw għall-akkomodazzjoni soċjali. L-appartamenti jgħinu lil dawn in-nisa u lil uliedhom  jibdew ħajja ġdida. 

“Din l-għajnuna hija partikolarment bżonnjuża għall-NGOs, speċjalment fil-każ tal-vjolenza domestika u n-natura t’urġenza assoċjata magħha”, qalet Marisa Micallef Leyson.  F’dan il-Kenn, ser isir tkabbir biex in-nisa kollha jkollhom il-kamra tas-sodda u l-kamra tal-banju għalihom.  Bħalissa kull kamra qiegħda tintuża minn zewġ nisa u t-tfal tagħhom.  Minħabba problemi ta’ natura sensittiva ħafna, l-privatezza hija mportanti f’dan il-każ.  Madankollu, in-nisa jistgħu jkomplu jkunu ta’ fejda għal xulxin.  Iċ-Chairperson ta’ l-Awtorita’ tad-Djar tkellmet ukoll dwar l-għanjiet ta’ l-Awtorita’ u saħqet dwar l-importanza li l-Awtorita’ tgħin lill-NGOs li jkunu qiegħdin joffru servizz ta’housing. L-Awtorita’ diġa għenet lil numru ta’ NGOs b’din l-inizjattiva,  fosthom: YMCA, Fondazzjoni Suret il-Bniedem, Fondazzjoni Dar Nazaret, Dar il-Wens u oħrajn. 

Is-Segretarju Parlamentari Dolores Cristina qalet li dan huwa eżempju ieħor kif b’mod konkret il-Gvern qiegħed jgħin lil vittmi ta’ vjolenza domestika. “Aħna qed nagħmlu minn kollox biex naraw li dawn in-nies jirċievu l-għajnuna kollha b’koordinazjoni sħiħa bejn id-dipartimenti u l-aġenziji tal-gvern u l-NGOs. Din l-inizjattiva ta’ l-Awtorita’ tad-Djar hija pass ieħor f’din id-direzzjoni.” 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow