Left arrow Go Back

STQARRIJA MILL-MINISTERU GĦAŻ-ŻGĦAŻAGĦ U L-KULTURA

PR632
Date Icon 24/05/2003

Dalgħodu għall-ħabta tas-sebgha, ħaddiema fil-Kumpless Sportiv tal-Marsa indunaw li persuni mhux magħrufa kienu tefgħu boroż mimlijin biż-żejt maħruq fuq l-athletics track tal-Matthew Micallef St. John Athletics Stadium. Fuq din l-istess track għadu kemm tlesta proġett ta' Lm90,000 biex jitqiegħed wiċċ ġdid.

Il-boroż biż-żejt intefgħu fuq in-naħa ta' wara tat-track. Iż-żejt li ħareġ minnhom ċappas parti żgħira mill-wiċċ ġdid tat-track. Dan tnaddaf kompletament u l-kumpless ser ikun jista' jkompli jintuża mingħajr problemi, mill-atleti Maltin li qed jippreparaw għal-Logħob tal-Pajjiżi ż-Żgħar. Il-ħsarat l-oħra li saru lit-track b'dan l-att vandalu ser jissewwew nhar it-Tnejn li ġej.

Dwar il-każ sar rapport fl-għassa tal-pulizija ta' Ħal Qormi filwaqt li qed titmexxa inkjesta maġisterjali mill-Maġistrat Consuelo Scerri Herrera.

Il-Ministeru taż-Żgħażagħ u l-Kultura jikkundanna bil-qawwa kollha dan l-att kodard li huwa intiż biex itellef it-tħejjijiet li qed isiru qabel l-għaxar edizzjoni tal-Logħob tal-Pajjiżi ż-Żgħar. Minkejja dan l-isforz fieraħ, il-preparamenti għal-logħob ser jibqgħu mexjin kif mistenni, u kollox ser ikun lest qabel id-data tal-ftuħ fit-2 ta' Ġunju.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow