IL-ĠRAJJIET NAZZJONALI LI GĦADHOM KIF SEĦĦEW FUQ L-INTERNET
Il-ġrajjiet nazzjonali li seħħew f’Malta matul il-ġimgħa li għaddiet, qegħdin jiġu mxandra fuq il-website tad-Dipartiment ta’ l-Informazzjoni www.doi.gov.mt
Fost dawn hemm ir-rizultati finali tal-counts kollha ta’ kull distrett elettorali ta’ l-Elezzjoni Ġenerali, inklużi l-ismijiet u r-ritratti tal-kandidati kollha eletti, flimkien ma’ sommarju tal-voti miġjuba fl-ewwel għadd minn kull partit f’kull distrett, kif ukoll il-persentaġġi totali ta’ voti miġjuba mill-partiti.
Permezz ta’ sensiela ta’ ritratti, filmati u recordings bl-awdjo, wieħed jista’ jara u jisma’ l-kummenti li l-Prim Ministru ta lill-istampa fic-Ċentru ta’ l-Għadd tal-Voti f’Ta’ Qali l-Ħadd li għadda, il-Ġurament tal-ħatra ta’ Prim Ministru minn Dr Eddie Fenech Adami, flimkien mal-wasla tiegħu fil-Berġa ta’ Kastilja nhar it-Tnejn 14 ta’ April, ix-xandira tal-Prim Ministru lill-Poplu Malti, u ċ-ċerimonja kollha tal-ħatra tal-Ministri u s-Segretarji Parlamentari. Qed tiġi ppubblikata ukoll lista dettaljata tal-portfolios il-ġodda tal-Ministri.
Wieħed jista’ jara wkoll filmati tad-diskors li għamel il-Prim Ministru f’Ateni flimkien ma’ l-iffirmar tat-Trattat ta’ Sħubija fl-Unjoni Ewropea mill-Prim Ministru u l-Ministru ta’ l-Affarijiet Barranin, segwit mid-diskors tal-Prim Ministru waqt Konferenza Stampa konġunta mogħtija mill-Presidenza ta’ l-Unjoni Ewropea flimkien mal-Kapijiet tal-Gvern ta’ l-għaxar pajjiżi l-ġodda fl-Unjoni Ewropea.
Fl-istess sit hemm ukoll it-test tad-diskors (Malti u Ingliż) tal-Prim Ministru f’Ateni u t-test ta’ messaġġi ta’ ferħ mibgħuta minn Kapijiet ta’ Gvern lill-Prim Ministru fl-okkażjoni tar-rebħa elettorali tiegħu.
Stqarrijiet Oħra:
PR261934en
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261934