Left arrow Mur Lura

Aktar minn Lm4 miljun fis-sena għall-biedja fis-sena mill-EU

PR32
Date Icon 10/01/2003
Il-Ministru għall-Agrikoltura u s-Sajd, l-Onor. NinuZammit qal li s-sħubija ta’ Malta fl-Unjoni Ewropea se twassal biex is-settur tal-biedja jkompli jissaħħaħ u jsir aktar sostenibbli u dan jista’ jkun possibbli li jsir, permezz tal-għajnuna finanzjarja li dan is-settur se jingħata mill-istess Unjoni. Hu tenna li din l-għajnuna tista’ tiġi biss jekk pajjiżna jissieħeb fl-UE.
Il-Ministru Zammit qal li permezz tan-negozjati lisaru, l-għajnuna għas-settur agrikolu min-naħa ta’ l-Unjoni Ewropea se tkun tammonta għal aktar minn Lm4 miljun fis-sena fl-ewwel tliet snin wara s-sħubija.
L-Onor. Ninu Zammit, li kien qed iżur xi rziezet f’Ħad-Dingli,qal ukoll li kuntrarjament għall-impressjoni li hawn min qed jipprova jagħti, illi t-tnaqqis tal-levies fuq prodotti ta’ l-ikel diġà ħalla effett negattiv fuq is-settur agrikolu, il-fatti juru li fl-aħħar sitt xhur tas-sena li għaddiet il-volum ta’ prodotti li nbiegħu mill-Pitkaliji żdied b’2.7 miljun kilo jew b’14.3 fil-mija għal 21.9 miljun kilo, meta mqabbel ma’ l-istess perijodu s-sena ta’ qabel. Kienu reġistrati wkoll żidiet ta’ 1.5 fil-mija fil-bejgħ ta’ laħam tat-tiġieġ imkabbra lokalment u ta’ 0.6 fil-mija fil-bejgħ ta’ laħam tal-majjal.
Hu irrifera wkoll għall-għajnuna li diġà bdiettingħata lill-produtturi fis-settur tal-biedja u qal li sa tmiem is-sena li għaddiet din l-għajnuna ammontat għal aktar minn miljun lira. Il-Ministru Zammit qal li din l-għajnuna se tgħin lill-bdiewa u lir-raħħala jkomplu jtejbu l-livell tal-għajxien tagħhom.
L-għajnuna li ngħatat s’issa lill-bdiewa lijkabbru l-ħxejjex u l-frott tinkludi, Lm63,875 lil dawk li jkabbru l-patata, Lm139,177 lil dawk li jkabbru d-dwieli, u Lm35,914 għal ħxejjex u frott li l-bdiewa biegħu mill-Pitkalija, total ta’ Lm238,966.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow