Left arrow Mur Lura

STQARRIJA MILL-MINISTERU GĦAT-TRASPORT U KOMUNIKAZZJONI DWAR L-ISTRAJK TAL-PILOTI FIL-PORT

PR24
Date Icon 09/01/2003

Matul l-aħħar xhur, l-Awtorita’ Marittima ta’ Malta bdiet diskussjonijiet mal-UĦM dwar ir-riformi fil-mod kif jaħdmu il-piloti f’Malta dwar ir-riorganizzazzjoni tas-servizz tal-piloti biex ikun hemm sistemi iktar effiċjenti f'dan is-settur, skond ix-xewqa taż-żewġ naħat. Id-diskussjonijiet kienu jirigwardjaw -

  1. Il-ħolqien ta` entita separata għall-piloti biex din tkun tista` tagħti servizz ta` pilotaġġ fil-portijiet taħt id-direzzjoni ta` l-Awtorita’ Marittima skond il-ħtiġijiet ta` Malta u prattiċi internazzjonali;
  2. Il-Fakulta’ ta’ l-Awtorita’ li tiddeċiedi x`livelli ta` "standards" ta` servizzi huma meħtieġa u n-numri ta` membri meħtieġa skond l-esiġenzi tal-klijenti tal-port;
  3. Kuntratt għall-iskop ta’ (1) u (2) għal servizz bejn l-Awtorita’ u l-entita, fejn jiġu stabbiliti id-doveri, l-obbligi, r-responsabilitajiet u d-drittijiet tal-membri tal-korp tal-piloti kif ukoll ta` l-Awtorita`, bil-penali f`kaz li xi parti tonqos mill-obbligi tagħha;
  4. It-tariffa (dħul) tal-piloti u spejjeż oħra inklużi dawk relatati mal-ħtiġijiet rikorrenti fir-rigward ta’ l-amminstrazzjoni ta` l-entita ġdida.

Minħabba l-ambitu wiesgħa ta' din il-materja, saru diskussjonijiet fit-tul fejn iż-żewġ naħat qablu fuq il-ħolqien ta` Kooperattiva tal-piloti biex tkun l-entita ġdida li magħha l-Awtorita` Marittima tagħmel il-Kuntratt ta` Servizz, kif ukoll fuq l-istruttura u l-istatut ta` din il-Kooperattiva.

Intlaħaq ukoll ftehim preliminari dwar l-abbozz tar-regolamenti ġodda li kellhom jiġu adottati flok dawk preżenti bl-iskop li jiġi regolat is-servizz tal-piloti fil-port kif jirriżulta mill-ftehim milħuq dwar l-istrutturi ġodda msemmija iktar `l fuq.

Fir-rigward tat-tariffi l-grupp tal-piloti għamel suġġerimenti li kienu fl-opinjoni ta’ l-Awtorita’ Marittima esaġerati u li kienu jwasslu sa 500 fil-mija fuq ir-rati ta` tariffi preżenti.

B'rieda tajba min-naħa ta’ l-Awtorita’ Marittima u bl-iskop li jintlaħaq ftehim finali ġie ikkumissjonat rapport li kellu jagħmel rakkomandazzjonijiet dwar (a) il-ħolqien ta’ koperattiva għall-piloti u (b) l-organizzazzjoni tas-servizz tal-piloti nklużi l-ispejjeż operattivi u amministrattivi relatati mall-ħolqien ta’ l-entita ġdida. Ir-rapport ġie ppreżentat liż-żewġ naħat f’ Diċembru 2002. Ta` min jgħid li dan kien biss abbozz u ma kienx ir-rapport finali billi kien għad irid jiġi diskuss aktar fil-fond bejn iż-żewġ naħat.

Il-grupp ta’ piloti u l-UHM kienu jafu b’dawn l-iżviluppi u li l-kwistjoni kienet għadha mhux konkluża u fi stadju ta` diskussjonijiet li fil-fatt tkomplew din il-gimgħa stess. Kien għalhekk prematur ħafna li l-Union ħarġet direttiva ta` strajk meta kienet taf li d-diskussjonijiet kienu għadhom sejrin.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow