Left arrow Mur Lura

INAWGURATA R-RESIDENZA SANT’ANNA – PROĠETT TA’ LM700,000 FAVUR IN-NISA ANZJANI GĦAWDXIN

PR22
Date Icon 09/01/2003
Il-Prim Ministru, l-Onor. Eddie Fenech Adami dalgħodu inawgura l-ftuħtal-proġett ta’ tkabbir u mmodernizzar ta’ Residenza Sant’Anna, fl-Isptar Ġenerali t’Għawdex.
Waqt diskors ta’ l-okkażjoni, il-Prim Ministrurrimarka li matul dawn l-aħħar snin il-livell ta’ l-għixien f’Għawdex huwa wieħed li kompla jogħla u li f’ħafna oqsma s-servizzi li hemm f’Malta qegħdin jiġu ipprovduti f’Għawdex ukoll. Dan huwa possibbli għaliex il-Gvern taħt amministrazzjoni Nazzjonalista kien iddeċieda li jwaqqaf Ministeru għal Għawdex li jifhem iktar il-bżonnijiet ta’ l-Għawdxin u għandu l-possibilita’ li jindirizzahom.
B’riferenza partikolari lejn il-qasam tas-saħħa,il-Prim Ministru rrefera għall-ħtiġijiet differenti tal-gżejjer ta’ Malta u Għawdex u kif il-Gvern preżenti qiegħed jindirizzahom. F’Malta qed tiġi ndirizzata l-ħtieġa ta’ iktar spazju għal pazjenti rikoverati u dan bil-bini ta’ l-isptar Mater Dei – l-ikbar sptar li qed jinbena bħalissa fl-Ewropa. F’Għawdex, il-ħtiġijiet fil-qasam tas-saħħa kienu mhux dawk ta’ bini ta’ sptar iżda t-titjib u t-tisħiħ ta’ l-infrastruttura eżistenti flimkien maż-żieda fis-servizzi offruti fil-gżira. Dan sabiex jitnaqqas l-iskariġġ għall-Għawdxin peress li l-Isptar Ġenerali t’Għawdex ikun joffri firxa wiesa’ ta’ servizzi li jeħtiġuhom ir-residenti t’Għawdex.
L-Onor. Giovanna Debono, Ministru għal Għawdexstqarret li dik li sa ftit ilu kienet biss is-sala ta’ l-anzjani nisa, permezz ta’ dan il-proġett ta’ iktar minn nofs miljun lira, tejbet bis-sħiħ is-servizzi u l-faċilitajiet offruti minnha. “Ridna ninvestu bis-sħiħ. Ridna nuru bil-fatti li kull settur tas-soċjeta’ tagħna, għall-Gvern preżenti, huwa importanti. Għalhekk investejna iktar minn Lm700,000 sabiex anke l-anzjani nisa ta’ Għawdex, li kull ma jmur qed jiżdiedu fin-numru, ikollhom din id-dar dinjituża u li turi r-rispett li lkoll kemm aħna għandna lejhom”.
Residenza Sant’Anna, minbarra li toffri ambjentmodern, akkoljenti u san, hija l-alternattiva għad-djar privati li joffru postijiet ta’ residenza lil anzjani Għawdxin. Mil-lum Residenza Sant’Anna permezz taż-żieda ta’ 35% fil-postijiet fuq li kienet takkomoda s’issa – tista’ tilqa’ 81 residenta.
Il-Ministru għal Għawdex l-Onor. Giovanna Debonoirringrazzjat lill-Welfare Committee ta’ l-għajnuna u s-sostenn li wrew fit-twettieq ta’ dan il-proġett b’riżq l-anzjani ta’ Għawdex.
Hija rreferiet għall-opportunitajiet ta’ l-anzjanif’Għawdex, li matul dawn l-aħħar snin żdiedu bil-bosta għaliex il-Gvern preżenti beda joffri servizzi u faċilitajiet li sa ftit snin ilu ma kienux jeżistu. Ġew introdotti diversi servizzi ġodda, li jinkludu, is-Servizz tal-Platt Sħun, il-ftuħ ta’ l-ewwel Ċentru ta’ Matul il-Jum u l-ftuħ mill-ġdid ta’ l-Universita’ tat-Tielet Eta’. Baqgħu jiġu offruti s-servizzi ta’ għajnuna fid-dar ta’ l-anzjani residenti f’darhom li jinkludu s-servizz tal-Handyman u tat-Telecare kif ukoll is-servizz ta’ assistenza lil persuni bi problemi ta’ inkontinenza.
Dwar il-qasam tas-saħħa f’Għawdex il-MinistruDebono rreferiet għall- investiment qawwi ta’ Lm446,000 li għamel il-Gvern matul dawn l-aħħar erba’ snin. Hija rreferiet għall-aħħar proġett kapitali li ġie nawgurat dan is-sajf – proġett li sewa madwar Lm40,000 u li hu dak tat-tieni fażi tat-tkabbir u mmodernizzar tad-dipartiment ta’ l-Emerġenza. Il-Ministru Debono semmiet ukoll it-tkabbir u mmodernizzar f’diversi nħawi oħra ta’ l-Isptar, fosthom id-dipartiment ta’ l-Outpatients, is-Sezzjoni tal-Medical Records u l-Operating Theatre kif ukoll il-ftuħ ta’ l-ewwel Renal Unit u Isolation Unit għal Għawdex flimkien mal-ftuħ mill-ġdid tad-Dipartiment ta’ l-Isterilizzar.
Dan il-proġett ta’ tkabbir u mmodernizzar ta’Residenza Sant’Anna juri biċ-ċar kemm il-ġid ta’ Għawdex u l-Għawdxin, fit-totalita’ tiegħu, jinteressa lill-Gvern preżenti b’mod dirett. Il-Gvern preżenti jqiegħed kontinwament il-ħtiġijiet tal-poplu Malti u Għawdxi u kien għalhekk li daħal għal proġetti u inizjattivi li jkomplu jtejbu l-livell u l-kwalita’ ta’ għixien ta’ sezzjonijiet differenti mill-popolazzjoni tagħna, b’mod partikolari ta’ sezzjonijiet l-iktar li jeħtieġu l-assistenza, l-attenzjoni u r-riżorsi, bħalma huma s-sezzjonijiet tas-saħħa u l-anzjani fost l-oħrajn.
Residenza Sant’Anna ser tkun miftuħagħall-pubbliku in ġenerali waqt open weekend li se jsir bejn l-10 u t-12 ta’ Jannar bejn l-10.00am u s-s-7.00pm.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow