Left arrow Mur Lura

AKTAR KURA PERSONALIZZATA FL-ISPTAR MONTE CARMELI

PR21
Date Icon 09/01/2003
F’dawn il-ġranet fil-qasam tas-Saħħa qedtinkiteb paġna ġdida għax proprju mill-1 ta’ Jannar ta’ din is-sena tpoġġiet ġebla oħra fil-pedament li għandu jwassal għall-awtonomija sħiħa ta’ dan l-isptar. Minn issa ’l quddiem l-awtoritajiet ta’ dan l-isptar se jkunu responsabbli għall-infiq tal-fondi mgħoddija lilhom mid-Diviżjoni tas-Saħħa. Dan qalu l-Ministru Deguara fl-okażjoni tal-ftuħ tal-Young People’s Unit fl-Isptar Monte Carmeli.
Dan huwa pass ieħor kruċjali fil-proċess ta’awtonomija sħiħa li ilu żmien li beda. Matul dan il-proċess kellna l-ħatra ta’ Chief Executive Officer għal dan l-isptar li qiegħed jigwida dan il-proċess ta’ riforma fil-mod kif jitmexxa dan l-isptar. Ġie maħtur ukoll Financial Controller li se jkun responsabbli għall-infieq tal-fondi mogħdija mid-Diviżjoni tas-Saħħa lil dan l-isptar. Il-pass li jmiss, u li se jittieħed fil-ġimgħat li gejjin hu l-ħatra ta’ Bord ta’ Tmexxija b’rappreżentanza tal-pazjenti biex dawn jingħataw vuċi fid-deċiżjonijiet u hekk jiġi żgurat li dawn jittieħdu fl-interess tal-pazjent u mhux fl-interess tas-sistema.
Irid infakkar, kompla l-Ministru, li f’Jannar ta’sentejn ilu n-Nursing Officers ġew allokati budget biex jamministraw is-swali tagħhom. Dan kien ifisser li ħafna deċiżjonijiet ta’ nfiq ta’ flus jiġu meħuda fil-livell tas-swali. Illum sentejn wara dan il-pass għandna l-provi li din kienet deċiżjoni tajba ferm. Jirriżulta li s-swali huma amministrati ħafna aħjar u kibret il-kontabilità għax min jieħu d-deċiżjonijiet illum hu aktar konxju fl-infieq tal-fondi. Hu evidenti t-titjieb fl-effiċjenza u l-użu tar-riżorsi, b’riżultat illi l-flus imfaddla qegħdin jintefqu biex isiru aktar faċilitajiet fis-swali li minnhom qed igawdu l-pazjenti. Biżżejjed wieħed isemmi n-numru ta’ airconditioners li ġew installati kif ukoll upgrading ta’ faċilitajiet f’diversi swali.
Illum qed jinfetaħ kumpless żgħir, il-YoungPeople’s Unit biex tilqa` għal ħtiġijiet ta’ pazjenti taħt is-sittax-il sena. Dawn il-pazjenti ma jitpoġġewx ma pazjenti adulti minħabba li l-bżonnijiet tagħhom huma differenti. F’dan il-Unit dawn it-tfal ma jingħatawx biss kura għal problemi li jista’ jkollhom imma tingħata wkoll attenzjoni u għajnuna għal bżonnijiet emozjonali u edukattivi li tfal ta’ din l-eta` għandhom bżonn. Fil-fatt f’dan il-kumpless wieħed isib klassi fejn it-tfal bl-għajnuna ta’ għalliema jkollhom kontinwazzjoni tat-tagħlim li kienu jieħdu qabel ġew rikoverati hawnhekk. Wieħed isib ukoll spazji oħra fosthom ġnien bil-għan biex dan il-post ikun jaqbel ma’ ambjent ta’ dar.
Fl-aħħarnett il-Ministru rringrazzja lill-ħaddiemata’ l-isptar li għamlu ħafna mix-xogħol biex seta jinfetaħ dan il-Unit. Kien hemm ukoll il-kontribut tad-Diviżjoni ta’ l-Edukazzjoni permezz ta’ l-Aġenzija Tomorrow Schools li tat il-pariri dwar il-bżonnijiet edukattivi tat-tfal u set up tal-faċilitajiet edukattivi kif ukoll tal-Friends of Attard li ħarġu fondi għal parti minn dan il-proġett. Irringrazzja lill-management u l-istaff.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow