KUNTRATT GĦAL APPARAT MEDIKU GĦALL-ISPTAR IL-ĠDID
| Nhar | il-ġimgħa li għaddiet, id-Dipartiment tal-Kuntratti informa lil INSO li kienet ġiet aċċettata l-offerta tagħhom għall-apparat mediku għall-isptar il-ġdid. |
| Wara | li oriġinarjament, il-Kumitat tal-Kuntratti kien għażel l-offerta` ta’ INSO bħala l-aħjar f’dak li hu konformita` mat-tender u fil-prezz, iż-żewġ kontestanti l-oħra, Hospitalia u Simed kienu għamlu appell kif jipprovdu r-regolamenti. |
| Waqt | li t-Tribunal tal-Appell kien qabel mal-Kumitat tal-Kuntratti li l-offerta ta’ Hospitalia kellha tiġi skwalifikata, minħabba li kienu għamlu ħafna kundizzjonijiet li ma kienux aċċettabbli skond it-tender, kien iddeċieda li l-Fondazzjoni għas-Servizzi Mediċi (FMS) tagħti opportunita` lil-SIMED tagħmel kjarifika dwar l-elementi li fihom ma kenitx konformi mat-tender. Dan kellu jsir bil-għan li l-F.M.S. u d-Direttur Ġenerali tal-Kuntratti jkunu f’pożizzjoni jiddeċiedu jekk għandux jingħata l-kuntratt lill-Kumpanija SIMED BV. |
| L-FMS | immedjatament infurmat lil SIMED biex din tibgħat il-kjarifikazzjonijiet tagħha skond id-deċiżjoni tat-tribunal. Fl-istess ħin l-FMS ħatret “Advisory Board” taħt iċ-Chairmanship ta’ l-Imħallef Victor Caruana Colombo biex jagħmel skrutinju fuq din il-fażi ta’ l-aġġudikazzjoni ta’ din l-offerta. |
| Dan | il-bord ħatar lil Grant Thornton Consulting Ltd. bħala esperti finanzjarji, lil Muscat Azzopardi & Associates bħala esperti legali u lil Secta bħala esperti tekniċi. Dawn studjaw l-offerta ta’ SIMED bil-kjarifiċi li ngħataw minnhom. |
| Wara | li raw ir-rapporti ta’ dawn l-esperti, l-“Advisory Board” wasal għal konklużjoni li SIMED ma kenux taw kjarifikazzjonijiet suffiċjenti rigward l-apparat u dawk l-oqsma li fuqhom ma kienux konformi mal-kundizjonijiet tal-offerta. |
| Dan | il-parir għadda għand il-Bord tal-FMS li qabel ma dan ir-rapport u li minn naħa tiegħu għadda l-istess konklużjoni lill-kumitat tal-kuntratti, bil-kumment li aktar dewmien fuq l-għoti ta’ dan l-appalt kien ifisser dewmien u spejjeż sostanzjonali iżjed għall-proġett tal-Isptar. |
| Il-kumitat | tal-kuntratti ħa in kunsiderazzjoni dawn il-fatti kollha li fil-qosor huma: |
1. Li skond il-Bord tal-FMS mhux fl-interess pubbliku li jkun hemm aktar dewmien
fl-għoti ta’ dan l-appalt.
2. Li l-offerta tal-Hospitalia GmBH kienet skwalifikata.
3. Li l-offerta ta’ SIMED, wara li ġiet evalwata mill-gdid kienet inferjuri teknikament għal
dik tal-INSO Spa
4. Li l-offerta ta’ INSO Spa kienet għaxar miljun Euro irħas miż-żewġ offerti l-oħra.
5. Li l-offerta tal-INSO Spa ma kenitx skwalifikata mit-tribunal ta’ l-appell
6. Li fir-rapport tagħhom tat-3 ta’ Ottubru 2002 l-esperti tekniċi SECTA kienu ddikjaraw li
l-offerta ta’ INSO Spa kienet ta’ livell aċċettabli.
U ddeċieda li jirrikmanda lill-Gvern li dan l-appalt għandu jingħata lill-INSO Spa.
Din ir-rakkomandazjoni ġiet approvata mill-Gvern.
Stqarrijiet Oħra:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en