APPELL BIEX JINXTRAW BISS ĠUGARELLI LI HUMA MEQJUSA "SAFE" PERMEZZ TAĊ-ĊERTIFIKAZZJONI TAS-"CE MARK"
pr1524
12/12/2003
| "Il-konsumaturi għandhom, meta jixtru ġugarell jaraw li fuq | il-prodott jew l-ippakkjar ikun hemm il-marka CE. Din il-marka tindika li l-manifattur għamel dawk it-testijiet neċessarji sabiex jiżgura li l-prodott jikkonforma ma’ l-istandards Ewropej ta’ sigurezza fuq il-ġugarelli." |
| "Meta produttur jew importatur ipoġġi fis-suq | ġugarell mingħajr il-marka CE, qiegħed jikser l-Att dwar is-Sigurezza tal-Prodotti. Il-Gvern għamel pieni ħorox għal min jikser din il-liġi għax fin-nofs hemm is-saħħa tal-bniedem." |
| Dan qalu s-Segretarju Parlamentari fil-Ministeru | tal-Finanzi u l-Affarijiet Ekonomici, l-Onor. Edwin Vassallo waqt konferenza stampa li ngħatat illum il-Ġimgħa 12 ta’ Diċembru 2003, quddiem stabbiliment tal-ġugarelli fil-Belt Valletta. |
| Edwin Vassallo sahaq fuq kemm hu importanti li qabel | ma xi ħadd jiddeċiedi li jixtri xi ġugarell, jaqra l-istruzzjonijiet u xi twissijiet oħra li jista’ jkun hemm mehmuża miegħu, bħal per eżempju li l-ġugarell mhux addattat għat-tfal ta’ eta ta’ inqas minn 36 xhar. |
| B’dan il-mod nistgħu nserrħu rasna li l-prodott | li xtrajna ma jippreżenta l-ebda riskju li uliedna jistgħu iweġġgħu bih, jew b’xi mod ikun ta’ problemi għal saħħithom. B’hekk nistgħu niżguraw li jkollna Milied ħieni mingħajr inċidenti żejda, b’riżultat ta’ ġugarelli difettużi. |
| L-Uffiċjali tad-Diviżjoni tal-Konsumatur u | tal-Kompetizzjoni qegħdin jagħmlu spezzjonijiet f’diversi lokalitajiet kemm f’Malta kif ukoll f’Għawdex, u jinvestigaw kawżi fejn ġugarelli li m’għandhomx il-marki neċessarji jew li jistgħu jippreżentaw xi forma ta’ periklu għal min ikun qed jilgħab bihom jew għal ħaddieħor. |
| F’dan ir-rigward, is-Segretarju Parlamentari Edwin | Vassallo żied jgħid “Hawnhekk ta’ min jiġbed l-attenzjoni tal-formoli li hemm fl-isptarijiet u fiċ-Ċentri tas-Saħħa ewlenin f’Malta u Għawdex u nħeġġu lill-konsumaturi biex jekk ikollhom informazzjoni li sfortunatament xi tfal ikunu korrew b’xi ġugarell, għandhom jimlew il-formoli li hemm apposta sabiex il-każ jiġi nvestigat u jekk jinstab li l-prodott ikun verament ta’ periklu għas-saħħa tal-bniedem, jitneħħa mis-suq, mill-aktar fis possibbli.” |
Stqarrijiet Oħra:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en