Left arrow Go Back

F’DSATAX-IL XAHAR ĠEW IRREĠISTRATI 3381 TALBA TA’ PERMESSI GĦAL ATTIVITA’ KUMMERĊJALI - MEDJA TA’ SITT APPLIKAZZJONIJIET KULJUM

pr1519
Date Icon 11/12/2003

Minn Mejju 2002 sa’ l-aħħar ta’ Novembru 2003, it-Trade Licensing Unit fid-Diviżjoni għall-Kummerċ, f’Lascaris il-Belt Valletta irċeviet 3381 talba ta’ permessi għal attivita kummerċjali (medja ta’ sitt applikazzjonijiet kull jum). Din l-attivita’ kummerċjali prinċipalment titratta bejgħ bl-immnut, manifattura, u bejgħ minn swieq u toroq.

Mit-3381 talba għal-liċenjza, inħarġu 1967 permess, 1414 qegħdin jiġu pproċessati.

Din l-informazzjoni ġiet mogħtija lill-Media mis-Segretarju Parlamentari fil-Ministeru ghall-Finanzi u Infrastruttura, l-Onor. Edwin Vassallo waqt laqgħa li nżamment apposta ma’ l-imprendituri.

It-tabella hawn taħt tispjega f’hiex jikkonsistu dawn it-talbiet għall-permessi: 

TIP

TA’ LIĊENZJA

TALBIET MILQUGĦA

TALBIET LI QEGĦDIN JIĠU PPROĊESSATI.

TOTAL TA’ TALBIET IRREĠISTRATI

Liċenzji tan-negozji ġodda għall-manifattura, bejgħ bl-immnut u attivitajiet kummerċjali oħra ta’ servizzi.

687

390

1077

Bdil ta’ sid tan-negozju

362

286

648

Reġistrazzjoni tal-bdil tal-kategorija

235

108

343

Bejjiegħa fit-toroq

180

163

343

Bejjiegħa tas-swieq

257

113

370

Permess għall-fieri kummerċjali

24

4

28

Kanċellazzjoni tan-negozju

177

261

438

Car Boot Sale

31

-

31

Late night shopping

34

8

42

Bdil ta’ sid ta’ negozju b’wirt

24

37

61


“Din l-istatistika tixhed li f’pajjiżna għandna attivita’ kummerċjali b’saħħitha fejn bosta huma dawk li qegħdin jaraw li jkollhom impjieg għal rashom f’din it-tip ta’ attivita’. L-emendi fil-liġi li tirregola l-ħruġ tal-liċenzji, li wasslu għal tnaqqis ta’ burokrazija kien fattur li kellu jgħin ghal aktar effiċjenza fis-sistema li toħroġ il-liċenzji ta’negozju."

Is-Segretarju Parlamentari Edwin Vassallo fakkar li ma jistax isir bejgħ minn post kemm-il darba ma jkunx hemm liċenzja maħruġa li tippermetti li ssir dik l-attivita’ kummerċjali.

“Kull attivita’ kummerċjali għal żmien temporanju għandha tkun koperta minn permess. Kull attivita’ li ssir li tkun tinkludi bejgħ bl-immnut ukoll għandha bżonn li jkollha permess u għalhekk kull min għandu ħsieb li jorganizza attivitajiet ta’ fieri kummerċjali li fihom ser isir bejgħ għandu wkoll japplika għall-liċenzja skond l-attivita’ li tkun.

Swieq ma jistgħux jaqbdu jkunu organizzati bla ma jkun hemm permess mill-Ministeru u mbagħad kull min irid ikollu post biex ibiegħ, jkollu bżonn il-permess tal-Kunsill Lokali tal-lokalita’.

Kull talba għall-permess hija marbuta mal-permess li jkun inħareġ mill-MEPA.

F’kas ta’ wirt, il-liċenzja tkun tista’ tinqaleb għal fuq il-werriet wara li jkun talab għal din il-bidla permezz ta’ formola li tindikalna x’informazzjoni addizjonali għandu bżonn.

Hdimna u ser inkomplu naħdmu biex innaqsu l-burokrazija, rridu naraw li nkomplu ntejjbu l-effiċjenza ta’ kull Dipartiment li minnu jinqeda min qiegħed fin-negozju. Għalhekk irridu naraw li maż-żmien naħdmu wkoll biex infakkru d-dmirjiet li jitolbu l-liġijiet. Iżjed ma nkunu nafu x’qed jitolbu l-liġijiet, iżjed ikollna settur kummerċjali li jaf aħjar x’inhu mistenni minnu u jaqdi aħjar lill-konsumatur. L-informazzjoni rigward il-liġijiet hija fiha nnifisha eżerċizzju ta’ simplifikazzjoni tal-liġijiet, għalhekk erġajt fakkart il-prinċipji ġenerali li titratta l-liġi li tirregola l-ħruġ tal-liċenzji tan-negozju" temm jgħid is-Segretarju Parlamentari Edwin Vassallo.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow