L-Ambaxxatur gdid ta’ Malta ghall-Italja jipprezenta l-kredenzjali lill-President Taljan
L-Ambaxxatur gdid ta’ Malta ghall-Italja, is-Sur Edward Melillo, ipprezenta l-kredenzjali tieghu lill-President tar-Repubblika Taljana, l-E.T. Carlo Azeglio Ciampi, nhar it-Tnejn 15 ta’ Lulju, waqt cerimonja li saret fil-Palazz Presidenzjali tal-Quirinale f’Ruma.
Il-President Ciampi kien akkumpanjat minn diversi ufficjali gholja tal-Presidenza, kif ukoll mill-Onor. Roberto Antonione, Sotto-Segretarju fil-Ministeru ta’ l-Affarijiet Barranin. L-Ambaxxatur Melillo kien akkumpanjat mill-Kunsillier fl-Ambaxxata Maltija f’Ruma, is-Sur Joseph Izzo Clarke.
F’laqgha privata bejn il-President Ciampi u l-Ambaxxatur Malti, li saret wara l-presentazzjoni tal-kredenzjali, il-President Taljan sahaq fuq ir-rapporti eccellenti bejn iz-zewg popli, u esprima x-xewqa li jkompli jwettaq xoghol li jkomplu jsahhu dawn ir-rapporti, anki fil-kuntest ta’ l-Unjoni Ewropea. L-Ambaxxatur Malti, filwaqt li rreciproka dawn is-sentimenti, stqarr li ser ikompli jahdem sabiex din il-hbiberija tkompli tiggedded u tizviluppa iktar fil-futur fl-oqsma kollha.
Stqarrijiet Oħra:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN