IKKONTROLLATA ROQGĦA ŻEJT
Il-Ministeru għar-Riżorsi u l-Infrastruttura jinforma lill-pubbliku li dalgħodu ħareġ xi żejt mit-Tank Cleaning Farm tal-Malta Drydocks f'Rinella.
Appena kien infurmat b'dan l-isbokk ta' żejt mill-impjant fil-baħar l-Oil Pollution Response Module fi ħdan il-Ministeru għar-Riżorsi u l-Infrastruttura ha l-passi biex iżomm dan iż-żejt milli jinxtered mal-bajja.
Bil-kooperazzjoni sħiħa tal-Malta Drydocks tqiegħdu booms fejn ħareġ iż-żejt biex ġie kontrollat milli jkompli jinxtered. Intbagħtu fuq il-post iż-żewġ laneċ l-mv Ambjent u l-mv Monka, kif ukoll rubber dinghy li bdew immedjatament operazzjoni biex jitneħħa dan iż-żejt. Ir-roqgħa taż-żejt ġiet kontrollata.
L-operazzjoni biex ġiet kontrollat u biex jinġabar iż-żejt qed titmexxa mis-Sur Tony Mallia, Kap ta' l-Oil Pollution Response Module li qed jaħdem flimkien u b'kooperazzjoni sħiħa ma' uffiċjali u ħaddiema tat-Tank Cleaning Farm
Stqarrijiet Oħra:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN