Left arrow Go Back

Tlestiet l-ewwel parti tar-riabilitazzjoni ta’ Ġnien Romeo Romano

PR892
Date Icon 24/06/2002

Is-sehem qawwi li l-Ministeru ta’ l-Agrikoltura u Sajd qed jagħti fir-riabilitazzjoni ta’ Ġnien Romeo Romano f’Santa Venera hu xhieda mill-aktar ċara ta’ l-impenn tal-Gvern preżenti li jibqa’ jagħti kull għajnuna possibbli lill-Kunsilli Lokali, minbarra l-miljuni ta’ flus li qed jgħaddilhom kull sena.

Dan qalu l-Ministru għall-Agrikoltura u Sajd, l-Onor. Ninu Zammit meta l-bierah inawgura l-ewwel fażi tar-riabilitazzjoni ta’ Ġnien Romeo Romano, filwaqt li għadda f’idejn il-Kunsill Lokali ta’ Santa Venera l-amministrazzjoni tal-mużew ta’ għodod antiki tal-biedja.

Il-Ministru Zammit semma li ħaddiema mill-Urban and Rural Landscaping Unit tat-Taqsima għas-Servizzi Agrikoli u Żvilupp Rurali ilhom għal dawn l-aħħar sentejn involuti f’xogħlijiet estensivi ta’ rinovazzjoni u restawr fl-aktar partijiet storiċi ta’ dan il-ġnien, li jifforma parti mill-istorja ta’ pajjiżna, peress li nbena fi żmien il-Gran Mastru de Vilhena, u jista’ jibda jservi wkoll bħala attrazzjoni turistika.

Hu qal li f’dawn il-ġnien kienet ilha ma ssir manutenzjoni estensiva għal żmien twil u minkejja l-ammont ta’ ilma li jirrikjedi biex jinżamm fi stat tajjeb, kien hemm problema kbira ta’ ħażna ta’ ilma. Għaldaqstant tnaddfu u tbattmu bir u ġibjun biex b’hekk dawn qed issa jipprovdu ħażna tajba ta’ ilma.

Waqt din l-operazzjoni nstab ġibjun ieħor ta’ ċertu daqs, li tant hu maħdum bis-sengħa u tant jipprovdi attrazzjoni sabiħa, li hemm il-ħsieb li jibda jintuża bħala attrazzjoni għall-pubbliku. Dan il-ġibjun kien jeħtieġ xogħol estensiv ta’ restawr.

Saru wkoll kanali u katusi ġodda għall-ilma, kienet restawrata u nġiebet għall-istat oriġinali tagħha sienja li hemm qrib waħda mid-daħliet għall-ġnien, inksew biċ-ċangatura diversi passaġġi, saret sistema ġdida ta’ l-elettriku, sar xogħol ta’ manutenzjoni fil-mużew u fir-razzett, tneħħew mal-100 skip ta’ materjal ħażin, u tranġat il-bitħa li tagħti għall-mużew.

Il-Ministru Zammit qal li llum kulħadd jaqbel x’bidla rnexxielhom iġibu l-Kunsilli Lokali mhux biss b’mod ġenerali fil-pajjiż iżda ukoll fil-lokalitajiet tagħhom. Hu wera l-apprezzament tiegħu għall-fatt li ħafna Kunsilli jieħdu inizjattivi li jmorru oltre l-funzjonijiet li għandhom sal-lum, fosthom inizjattivi favur il-wirt storiku u naturali li għandna f’pajjiżna, bħalma qed isir fir-rigward ta’ dan il-ġnien.

Hu ħeġġeġ biex jonqos il-vandaliżmu minn postijiet bħal dawn għaliex il-ħsara li ssir mhux biss tħassar id-dehra tal-post iżda tfisser ukoll ħela ta’ ammonti kbar ta’ flus biex il-ħsara tissewwa.

Il-Ministru Zammit awgura li bir-riabilitazzjoni estensiva li qed issir, dan il-ġnien ikompli jżid fil-popolarità tiegħu anki mat-turisti peress li minbarra li hu post ta’ mistrieħ, għandu ferm aktar x’joffri f’dak li hu wirt storiku.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow