Left arrow Mur Lura

SKOLA SPORT F’GĦAWDEX

PR795
Date Icon 05/06/2002

Għat-tieni sena konsekuttiva Skola Sport ġiet fi tmiemha permezz ta’ Progressive Show fejn l-istudenti kollha li pparteċipaw ħadu sehem f’attivita’ li għaliha kienu wkoll preżenti l-ġenituri.

Matul din is-sena akkademika, madwar 400 tifel u tifla ħadu sehem f’din it-tieni edizzjoni ta’ Skola Sport, li tfittex li tintroduċi lil tfal u studenti lid-dinja ta’ l-isport. Dan billi tippromwovi l-isport bħala mezz ta’ edukazzjoni, formazzjoni u fuq kollox dixxiplina personali.

Din is-sena t-tfal li pparteċipaw kellhom għażla minn diversi dixxiplini sportivi differenti, fosthom table tennis, artistic gymnastics, handball, lawn tennis, basketball, educational gymnastics, martial arts, volleyball, baseball u field hockey. Dawn id-dixxiplini sportivi ġew mgħallma minn instructors differenti, magħżula minn persuni kkwalifikati f’dixxiplini diversi.

Matul din is-sena wkoll, Skola Sport organizzat it-tieni edizzjoni ta’ Student-Teacher Games fejn ipparteċipaw studenti u għalliema mill-iskejjel Ninu Cremona, Seminarju Minuri Qalb ta’ Ġesu’, Kelinu Galea, u Sir Mikelanġ Refalo flimkien ma’ ħaddiema mill-Kumpless Sportiv ta’ Għawdex.

Skola Sport ġiet organizzata bejn Ottubru 2001 u Mejju 2002. Matul is-sena akkademika li jmiss, huwa mistenni li Skola Sport testendi l-korsijiet tagħha għal tfal ta’ etajiet iżgħar, jiġifieri dawk li jattendu l-Year 3. Skola Sport ser tiffoka iktar fuq il-kordinazzjoni fiżika li hija mportanti ħafna għal tfal ta’ eta’ żgħira, speċjalment għaliex hija l-bażi ta’ kull dixxiplina sportiva.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

Aktar Stqarrijiet Right arrow