TISWIJIET U TINDIF TAL-FUNTANA TAT-TRITONI
Il-Unit għal Servizzi ta' Tisbiħ fi ħdan il-Ministeru għar-Riżorsi u l-Infrastruttura bħalissa għaddej b'ħidma biex isewwi u jnaddaf il-funtana tat-tritoni barra Bieb il-Belt.
Il-Unit qed jimmodifika s-suction pit tal-pompi ta' l-ilma, qed jibdel, inaddaf u jaġġusta l-isplinkers, qed jibdel valvi u sistemi ta' pajpijiet u qed jibdel parti mill-floodlights li jdawwru l-funtana. Barra minn hekk qed tinbidel is-sistema ta' l-elettriku fil-kuruduri taħt il-funtana u qed isir xogħol ta' manutenzjoni fuq il-pompi.
Il-ħaddiema kaħħlu u żebgħu fejn kien meħtieġ. Fl-istess waqt l-istruttura kollha tnaddfet permezz ta' high pressure jetting bowser.
Ix-xogħol, li beda fl-aħħar ġimgħat u ħafna minnu qed isir bil-lejl, mistenni jitlesta aktar tard dan ix-xahar biex il-funtana terġa' titħaddem qabel l-aħħar ta' Marzu. PR355
Stqarrijiet Oħra:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN