Left arrow Mur Lura

STQARRIJA MILL-MINISTRU GĦAS-SERVIZZI EKONOMICI

PR284
Date Icon 04/03/2002

Fid-diskors li għamel is-Sur Vince Farrugia waqt Business Breakfast, kif ġie rrapurtat mill-mezzi tax-xandir, hu rrefera għal tnaqqis allarmanti fl-attività ekonomika ta' pajjiżna, meta hu pparaguna b'mod żbaljat iċ-ċifri uffiċjali tal-GDP. Id-Direttur Ġenerali tal-GRTU ikkompara ċ-ċifri għal sena sħiħa tas-sena 2000 ma` disa' xhur biss mis-sena 2001. Dan huwa paragun żbaljat għall-aħħar.

Peress li ċ-ċifri tal-Prodott Gross Domestiku jakkumulaw ruhom tul is-sena, dawn qatt ma' setgħu jiġu kkumparati fuq perjodu ta' xhur differenti. Fil-verità meta wieħed jikkumpara ċ-ċifri fuq l-istess perjodu ta' disa' xhur isib illi fis-setturi kollha, ħlief dawk tal-manifattura u kumpaniji pubbliċi, wrew żieda fil-kontribuzzjoni tagħhom lejn il-Prodott Gross Domestiku. It-tnaqqis fis-settur tal-manifattura rriżulta fi tnaqqis fil-profitti tal-kumpaniji li joperaw f'dan is-settur u mhux riżultat ta' tnaqqis fil-pagi tal-ħaddiema.

It-tnaqqis fis-settur tal-kumpaniji pubbliċi rriżulta minn telf li sofriet l-Enemalta minħabba prinċipalment is-sussidju li kellha tagħti sforz iż-żieda li tfaċċat biha bil-prezzijiet internazzjonali ta' xiri taż-żejt. Minkejja dan, il-prezzijiet xorta m'affetwawx il-prezz li bih baqa' jinqeda l-konsumatur u l-industrija. Hawnhekk ukoll nixtieq nirrimarka li dan it-tnaqqis kien fi profitti li għamlet l-Enemalta u mhux fil-pagi li tħallsu lill-ħaddiema.

Hekk kif ġie ppublikat fl-Economic Survey 2001 l-ekonomija Maltija kibret b' 5.2 fil-mija f'termini reali matul l-ewwel disa' xhur tas-sena 2001, meta teskludi s-settur ta' l-elettronika li jiddependi totalment fuq l-ekonomija dinjija. Huwa fatt li jeżistu xi setturi li qed jaffaċjaw sfidi minħabba s-sitwazzjoni ekonomika dinjija, iżda huwa fatt ukoll illi hemm setturi oħra li mixjin 'il quddiem b'ritmu nkoraġġanti.

L-informazzjoni korretta ilha li ġiet ippublikata minn Novembru tas-sena l-oħra u għalhekk m'hemm l-ebda skuża għall-interpretazzjoni żbaljata tal-fatti, kif sar mis-Sur Vince Farrugia.

Ta' min jinnota evidenza oħra li turi dak li veru ġara fl-ekonomija, fejn is-settur privat żied l-impjiegi full time b' total ta' 1,878 fl-ewwel għaxar xhur tas-sena 2001. Dawn iċ-ċifri jagħtu stampa differenti milli pprova jpinġi d-Direttur Generali tal-GRTU, is-Sur Vince Farrugia.

Sectoral contribution to GDP

2000

2001

Jan to Sept

Oct to Dec

Jan to Dec

Jan to Sept

Lm Millions

Agriculture & fisheries

23.9

7.3

31.2

24.6

Construction & quarrying

25.5

9.1

34.6

28.9

Manufacturing

245.5

100.7

346.2

241.3

Public utilities

65.6

18.7

84.3

64.8

Transport and communication

67.2

18.5

85.7

74.2

Wholesale & retail

108.2

39.0

147.2

112.3

Insurance, banking and real estate

87.5

32.3

119.8

91.0

public administration

146.4

51.3

197.7

168.1

Property income

111.7

32.3

144.0

113.5

Private services

111.8

37.3

149.1

118.3

GDP at factor cost

993.3

346.5

1339.8

1037.0

Source: Economic Survey 2001

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

Aktar Stqarrijiet Right arrow