Messagg tal-Milied u l-Ewwel tas-Sena Mill-E.T. il-President ta’ Malta, Il-Prof. Guido de Marco
Huti Maltin u Ghawdxin,
Il-Milied hu zmien ta’ hena, zmien meta tikber fina x-xewqa li naqsmu l-hena taghna ma’ haddiehor. Jiena nhares lejn il-poplu Malti bhala familja wahda, fejn il-fehmiet differenti joholqu djalogu izda mhux firda, fejn inhossu l-bzonn li nghinu lil xulxin u naghrfu li f’dawn il-granet ta’ ferh, il-ferh ikun isbah meta nipprovaw naqsmuh ma’ min ihossu nieqes minnu.
Hemm hafna affarijiet li jxekklu l-ferh: in-nuqqas ta’ qbil fil-familji; l-inkwiet ta’ zghazagh fid-droga jew ta’ ohrajn li qabdu triq hazina; il-faqar meta kap ta’ familja jitlef xogholu u fuq kollox meta jkun hemm il-mard. Nistqarr li meta nkun sejjer nara lil xi hadd l-isptar inhoss certu dieqa. Meta mbghad nkun l-isptar, inhoss kemm hu nuqqas tieghi li ma mmurx aktar ta’ spiss inzur il-morda. Il-marid, mhux tant il-hniena jrid, imma dik l-ghafsa t’id li biha jhossu mahbub.
Dawn il-granet kelli l-okkazjoni mmur l-isptar biex nara inizjattiva tal-mama’ u l-papa’ ta’ tfajjel li miet ftit tal-gimghat ilu - kellu biss hames snin. Il-genituri tieghu riedu jgeddu l-hajja tieghu billi jaghmlu mill-isptar tat-tfal post fejn jilqghek iktar, fejn il-genituri u t-tfal ikunu iktar fil-kumdita’, fejn it-tfal jistghu jkomplu jaraw il-programmi favoriti taghhom fuq it-televizjoni u fejn mohhhom jitbieghed ftit mis-sahha li tkun qed tonqoshom. Thossok bniedem gdid tara l-hajja terga titwettaq u r-rieda tal-bniedem tirbah fuq id-dieqa tal-qalb.
Dan hu l-ispirtu tal-Milied! Dan hu zmien fejn min hu wahdu ma jghix biss fil-memorji ta’ meta ma kienx, u jibki l-imghoddi, izda jhoss li l-hajja miexja ‘l quddiem u hu miexi maghha. Ghaliex il-hajja hija solidarjeta’.
Is-solidarjeta’ mhix biss ma’ tal-familja, izda ma’ l-anzjan li jinsab wahdu, ma’ min hu batut, ma’ min qieghed f’cella l-habs u mal-familji taghhom, ma’ min ghandu bzonn spalla fuq hiex jistrieh. Ghandna nkunu f’dan iz-zmien, messaggiera ta’ tama u kuragg ghas-sena l-gdida.
Din is-sena rajna mijiet ta’ klandestini jaslu Malta. Hemm konflitt bejn il-hniena lejn min huwa rifugjat tal-faqar u l-mezzi limitati ta’ pajjizna li jibqa jzomm dawn il-mijiet. Ghal xi whud dawn huma nies li jgibulna hasra, ghal ohrajn huma piz fuqna. Ghalija dawn huma bnedmin bhalna u b’li nistghu, ghandna nghinuhom.
Il-Milied igib ghalina lkoll memorji ta’ tfulitna; il-mumenti meta mal-genituri taghna konna mmorru l-quddiesa ta’ nofs il-lejl, il-ferh mad-daqq tal-glorja, il-gost li meta mmorru lura d-dar nqeghdu l-Bambin fil-grotta ghax issa twieled il-Messija. Kienu jolqtuni l-angli jzommu kitba ‘Paci fl-art lill-bnedmin ta’ rieda tajba’. Anki meta kont tifel kienet thabbatni din il-kawlifika ghall-paci, l-paci li hija marbuta mar-rieda tajba, ghaliex fejn m’hemmx rieda tajba ma tistax issaltan il-paci.
Niftakar meta tlett snin ilu, kont fil-Knisja tan-Nativita’ f’Betlehem, u l-Patriarka Michel Sabbah iccelebra l-quddiesa, hdejja kien hemm il-President Arafat mal-mara tieghu. Wara l-quddiesa inzilna fejn skond it-tradizzjoni qaddisa, twieled il-Bambin, Dak in-nhar hlomna millenju ta’ paci, hlomna li l-paci ser tinbet anke fl-Art Imqaddsa. Illum f’Betlehem m’hemmx il-paci izda t-tankijiet li qeghdin jokkupawha. U hawn nifhem ghaliex il-paci tiddependi mir-rieda tajba tal-bniedem. Kulhadd ghandu r-responsabilita’ li jwettaq din ir-rieda tajba.
Jien nahseb li l-isbah messagg, kif ukoll missjoni, li rcevejna bhala poplu Malti kien meta l-Papa, s-sena l-ohra qalilna li ahna ghandna nkunu:
‘bennejja ta’ pontijiet bejn il-gnus tal-bahar Mediterran, bejn l-Afrika u l-Ewropa’
Il-gid ta’ pajjizna jiddependi fuq kemm hawn paci madwarna: jekk l-inkwiet madwarna jizdied, dak kollu li jgib il-gid jonqos. Ghalhekk li nahdmu ghall-paci ma tfissirx biss imhabba lejn il-proxxmu, izda dover taghna lejn il-poplu Malti stess.
Fis-sena l-gdida dan il-poplu ser ikun imsejjah biex jiehu decizjonijiet importanti, decizjonijiet li jeffetwaw il-futur taghna lkoll. Jehtiegilna nghixu d-demokrazija u dan billi nkunu tolleranti lejn il-fehmiet differenti, huwa b’hekk li jista’ jinholoq dak id-djalogu shih li permezz tieghu nfittxu x’hinu l-ahjar gid ta’ pajjizna. Flimkien ghandna naslu ghall-konkluzjonijiet taghna, flimkien ghandna nagharfu nirrispettaw ir-rieda tal-poplu kif demokratikament espressa, ghaliex din hija demokrazija, li ahna nemmnu fiha.
Pajjizna ghandu jkompli fil-valuri li rcieva minghand missirijietna. Anki dawn il-valuri izda, jiggeddu f’socjeta’ li tinbidel kuljum. Ghada jinbena fuq il-bierah pero’ ghada ma jistenniex il-bierah. U hekk kif il-hajja tevolvi, ser ikomplu jibnu s-socjeta’ taghna uliedna: sejrin jahdmu bl-gherf li tghallmu min ghandna, sejrin jghixu bl-attitudnijiet tal-hajja li hadu mill-ezempji taghna. Il-messagg li ghandu jorbot lilna u lil ta’ warajna f’dan il-Milied huwa wiehed ta’ gustizzja, ta’ mhabba u ta’ paci.
Nawgura lilkom li qeghdin tisimghuni go djarkom, lil familiji taghkom, lil hutna Maltin u Ghawdxin, il-Milied it-tajjeb u sena gdida ta’ risq, paci u ghaqda.
Stqarrijiet Oħra:
PR261931
STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...
PR261930en