Left arrow Mur Lura

Hidma kontinwa b’riżq persuni b’diżabilita’ f’Ghawdex: Progett ta’ Centru gdid fil-Belt Victoria

PR1782
Date Icon 23/12/2002

Dan l-ahhar, l-Onor Giovanna Debono, Ministru ghal Ghawdex, żaret ic-Centru ta’ Matul il-Jum ghal Persuni b’Diżabilita’ – l-Adult Training Centre, f’Ghajnsielem Ghawdex.

F’diskors ta’ l-okkażjoni l-Ministru Debono stqarret illi s-sostenn li jaghti ta’ kull sena l-Ministeru ghal Ghawdex, kif ukoll il-hidma tal-bord tat-tmexxija ta’ l-Adult Training Centre (ATC) flimkien, raw it-twettieq ta’ numru ta’ inizjattivi godda li ttiehdu matul din l-ahhar sena.

Il-Ministru Debono rreferiet ghall-ghotja ta’ van b’tail lift li l-Ministeru ghal Ghawdex ircieva b’donazzjoni minghand Dorthese Ellis Foundation, illi giet mghoddija lill-ATC, kif ukoll ghat-tieni donazzjoni ta’ van b’tail lift li saret dan l-ahhar permezz ta’ kuntatti ma’ l-Enabling Housing Association fl-Ingilterra – sabiex jaqdu l-htigijiet ta’ trainees li jattendu l-istess centru.

"Huwa ta’ soddisfazzjon ghalija ninnota illi l-Adult Training Centre mexa ’l quddiem, mhux biss fis-servizzi li qieghed joffri imma wkoll fit-tmexxija tieghu, b’mod specjali fl-integrazzjoni ta’ persuni b’diżabilita’ li jattendu c-centru”, qalet il-Ministru Debono. Hija rreferiet ghax-xoghol ta’ landscaping, li jinkludi wkoll bini ta’ funtana, li twettaq mit-trainees ta’ l-Adult Training Centre fil-gnien tac-Centru ghall-Ghaqdiet Mhux Governattivi fix-Xewkija.

Il-Ministru ghal Ghawdex uriet l-apprezzament taghha ghall-esperjeza gdida ta’ exchange visit li 5 trainees flimkien ma’ tlett haddiema ta’ l-ATC f’Ghawdex kellhom fl-Ingilterra, permezz ta’ assistenza finanzjarja mill-Ministeru ghal Ghawdex – certament esperjenza edukattiva utli hafna li offriet opportunita’ ghal skambju ta’ ideat bejn żewg entitajiet li ghandhom l-istess ghanijiet.

B’riferenza ghas-Sena Ewropea tal-Persuni b’Diżabilita’, il-Ministru Debono rreferiet ghall-progett li l-Ministeru ghal Ghawdex flimkien ma’ l-Awtorita’ tad-Djar hadem fuqu dan l-ahhar u li se jara l-bidu tieghu matul is-sena 2003 – progett mill-iktar bżonnjuż ghall-persuni b’diżabilita’ f’Ghawdex – dak tal-bini ta’ centru ta’ matul il-jum gdid, fil-Belt Victoria. Dan ic-Centru gdid ser ikollu diversi workshops kif ukoll flatlet fejn ser isir tahrig f’life skills. Il-Ministru Debono rringrazzjat lill-membri tal-bord tat-tmexxija tac-Centru illi hadmu bis-shih sabiex il-pjanti tac-Centru l-gdid ikunu jirriflettu d-diversi htigijiet tal-persuni b’diżabilita’ li jattendu b’mod regolari c-Centru f’Ghajnsielem.

Filwaqt li awgurat l-isbah xewqat lit-trainees u l-istaff ta’ l-ATC, il-Ministru Debono espremiet l-awgurju li l-process ta’ integrazzjoni tal-persuni b’diżabilita’ jitkompla u jissahhah. B’hekk, il-membri li jattendu l-Adult Training Centre jintegraw bl-aktar mod shih fis-socjeta’.

Iktar kmieni, il-membri ta’ l-ATC ittiehdu fis-Sannat Special Unit fejn il-karattru ta’ Father Christmas, illi wasal fl-ispecialunit permezz ta’ helicopter, qassam rigali lil dawk preżenti. Wara, il-Friends of the Adult Training Centre organizzaw ricevimenti lill-membri, il-familjari taghhom kif ukoll l-istaff tac-Centru.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow