Preżentazzjoni ta' flus lil diversi GHaqdiet tal-karita jew volontarji
Dalgħodu, il-Ministru għat-Trasport u Komunikazzjoni, l-Onor. Censu Galea qassam diversi cheques lil wieħed u għoxrin għaqda volontarja jew istituti tal-karita li hawn jaħdmu f`dawn il-gżejjer.
Dawn il-flus ġejjin mill-ammont addizzjonali li jkun hemm fuq il-bolli tal-Milied li kull sena joħorġu mill-Posta ta' Malta.
F'diskors qasir li għamel f'din l-okkażjoni, il-Ministru ħabbar li għalkemm din is-sena ma kienx hemm surcharge fuq il-bolli tal-Milied, il-Maltapost plc xorta waħda qed timpenja ruħha li dawn id-donazzjonijiet ma jieqfux. Fil-fatt, minn din is-sena tpoġġew collection boxes fil-branches kollha tal-Maltapost fejn il-pubbliku li jmur biex jinqeda mill-posta ikun jista' jagħmel id-donazzjoni tiegħu.
Il-Maltapost plc min-naħa tagħha ser tagħmel tajjeb biex l-ammont li soltu jinġabar mis-surcharge fuq il-bolli xorta jinlaħaq billi toħroġ id-differenza. Il-Ministru appella lill-pubbliku biex meta jkun il-posta jagħti dik ix-xi ħaġa żgħira li żgur tkun kbira għal min jirċeviha. Hu faħħar l-impenn ta' dawk l-istituzzjonijiet li kienu qed jibbenefikaw minn dawn l-għotjiet.
L-ammont li tqassam din is-sena, u li ġej mis-set ta' bolli tal-Milied li ħareġ fis-sena 2001, huwa ta' Lm3000, li jfisser Lm300 aktar minn dak li tqassam is-sena l-oħra.
Fost dawk li bbenefikaw din is-sena, hemm diversi istituti tas-sorijiet ta' l-Ursolini, istituti oħra tat-tfal immexxija minn diversi ordnijiet reliġjużi, id-Dar tal-Providenza u Dar il-Kaptan, kif ukoll diversi għaqdiet volontarji, li jaħdmu b'risq persuni b'diżabilita' u għall-ewwel darba l-Equal Partners Foundation.
Għal din il-preżentazzjoni kienu preżenti s-Sur JA Mizzi, Chairman tal-Bord li jieħu ħsieb it-tqassim ta' dawn il-flus, id-Direttur tad-Djar tal-Knisja, rappreżentanti tal-Maltapost plc, kif ukoll diversi rappreżentati ta' dawk li ibbenefikaw minn dawn l-għotjiet
Stqarrijiet Oħra:
PR261931
STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...
PR261930en