Left arrow Mur Lura

JITWAQQFU PROĊEDURI BIEX IKUN SIMPLIFIKAT IL-PROĊESS TAL-ĦRUĠ TAL-PERMESSI TA’ ŻVILUPP U LIĊENZJI TAN-NEGOZJU GĦAL MIN QIEGĦED JAĦDEM F’ŻONI INDUSTRJALI PRIVATI

PR1765
Date Icon 18/12/2002

Fl-laqgħa organizzata appositament mill-Small Business Unit, kemm fl-Imrieħel kif ukoll fil-Ħandaq, fejn kienu mistiedna jattendu s-sidien ta’ l-ażjendi li jaħdmu f’dawn iż-żoni industrijali, is-Segretarju Parlamentari Edwin Vassallo ħabbar lil dawk li kienu preżenti l-waqfien ta’ kumitat ta’ koordinazjoni. Dan il-kumitat għandu l-għan ewleni li jżomm konsultazzjoni kontinwa bejn dawk kollha konċernati, biex ikun konfermat li l-proċess tal-ħruġ tal-liċenzji tan-negozji u permessi ta’ żvilupp mill-Malta Environment and PlanningAuthority ikunu simplifikati u għalhekk titnaqqas il-burokrazija.

Is-Segretarju Parlamentari Edwin Vassallo kompla jgħid lil dawk preżenti: “Flimkien mal-MEPA, is-Small Business Unitand Crafts Directorate fil-Commerce Division ser tkun qed twaqqaf kumitat ta’ koordinazzjoni li jinkludi rapprezentanza mis-sidien ta’ l-ażjendi li hemm jaħdmu f’dawn iż-żoni industrijali bl-objettiv li dawn il-kumitati jkunu jistgħu jorganizzaw l-aħjar konsultazzjoni possibbli bejn il-MEPA u l-SBU u dan biex ikunu faċilitat l-proċess tal-ħruġ tal-permessi ta’ żvilupp mill-Mepa kif ukoll il-liċenzji ta’ negozji kif maħruġa mit-Trading Licensing Unit li hija direttorat f’ħdan l-istess divizjoni li tagħha tagħmel parti l-SBU".

Is-Sur Edwin Vassallo kompla jispjega l-ħidma ta’ dawn il-kumitati u qal li b’din id-deċizjoni li hija waħda mill-54 inizjattiva li jinsabu fil-pjan ta’ ħidma li bħala objettiv għandu l-implimentazzjoni tal-Politika Imprenditorjali. Din l-inizjattiva meħuda mill-MEPA u l-SBU ser twassal biex kull żona ser ikollha l-kumitat ta’ koordinazjoni rispettivament u dan għandu wkoll iwassal biex f’kull żona issa li tlesta l-proġett tat-toroq is-sidien bejniethom jikkordinaw ħidma li għandha twassal biex tinżamm aktar l-indafa filwaqt li wieħed jara li tinżamm ukoll l-aħjar ordni possibbli.

Jekk s’issa dawn iż-żoni xi ħadd kien jaħseb li ħadd ma jimpurtah minnhom, illum irrid ngħid li l-Gvern jimpurtah li jara li ħadd ma jaqa’ lura u għalhekk qed isir l-investiment meħtieġ biex dawn iż-żoni jkunu mogħtija s-servizzi kollha meħtieġa. Intom minthomx inqas min oħrajn bħalkom li qed tikkompetu magħhom f’pajjiżi fl-Unjoni Ewropea. Intom issa ser tkunu mogħtija l-istess kwalità ta’ servizzi li jirċievu huma, anzi jekk jista’ jkun intom għandhom ikun mogħtija servizz aħjar. Issa intom imprendituri, artiġjani ta’ pajjiż tajjeb li tkun membru ta’ l-Unjoni Ewropea. Intom għandkom kontribut x’tagħtu lil pajjiż u l-pajjiż għandu obbligu li jgħinkom. Iżda issa wasal il-waqt li intom tgħinu wkoll lilkom infuskom.

Din hija inizjattiva l-Gvern qed joħodha għalikom. Ġejna biex nagħtukom servizz sħiħ. Mhux biss it-triq iżda iżjed min hekk, ġejna nagħtukhom oppurtunità li fiha intom qed tkunu mitluba timmaniġjaw iz-zona industrijali li fiha qeghdin tahdmu u dan biex l-investiment li sar hawn f’dawn it-toroq ikun ifisser ferm aktar minn sempliċiment għoti ta’ tarmac. Ġejna nagħtukom servizz li jmur ferm aktar ’il bogħod mit-triq. Issa aħna jimpurtana minkom. Irridu naraw li flimkien magħkom ngħelbu l-kumplikazzjoni tal-burokrazjia. Dan nistgħu naslu għalieh kemm-il-darba naħdmu flimkien."

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow