Left arrow Go Back

IMNEDIJA ŻEWĠ QUALITY SERVICE CHARTERS OĦRA F’GĦAWDEX

PR1732
Date Icon 11/12/2002

L-Onor. Giovanna Debono, Ministru għal Għawdex, dalgħodu ġiet ippreżentata bil-kopji ta’ żewġ Quality Service Charters oħra f’ċerimonja li saret fl-entratura modernizzata taċ-Ċentru Amministrattiv ta’ Għawdex.

Dawn iċ-charters, dak tar-Reġistru taż-Żwieġu dak tal-Ħruġ ta’ Ċertifikati ta’ l-Istat Ċivili huma l-aħħar tnejn li ġew maħruġa, sabiex issa b’kollox hemm 43 dipartiment jew taqsima li ppublikaw il-Quality Service Charter tagħhom minn meta tnediet l-inizjattiva erba’ snin ilu. Għaxra minn dawn huma fil-fatt f’Għawdex.

L-introduzzjoni ta’ Quality Service Charter hija konferma uffiċjali ta’ l-impenn tal-Gvern illi jtejjeb il-kwalità ta’ servizz li jingħata mid-dipartimenti tiegħu. Dan bil-għan illi l-klijent jieħu l-ogħla livell ta’ servizz, fl-iqsar ħin possibbli. Li fl-okkażjoni ta’ dalgħodu ġew introdotti l-Quality Service Charters f’żewġ dipartimenti fi ħdan ir-Reġistru Pubbliku, li jilqgħu d-domandi minn klijenti tagħhom b’mod dirett juri bis-sħiħ l-impenn tal-Ministeru għal Għawdex lejn il-provvista ta’ servizzi bl-iktar mod effiċjenti.

Il-linji ta’ gwida elenkati fil-Quality Service Charters jqegħdu fuq quddiem nett id-dritt tas-servizz – li jkun wieħed fil-ħin u konvenjenti filwaqt li jkun effettiv, ekonomiku u effiċjenti; servizz li jkun indirizzat lejn il-klijent, bil-bżonnijiet u n-neċessitajiet tiegħu fuq quddiem nett, imsejsa fuq impenn sħiħ bejn min jipprovdi u min jagħmel użu mis-servizz.

Fid-diskors tagħha waqt ic-cerimonja, il-Ministru Debono saħqet fuq l-importanza tal-klijent għas-Servizz Pubbliku u l-ħtieġa li s-servizzi li jingħataw minn dan is-settur, filwaqt li jkunu effettivi u effiċjenti, ipoġġu dejjem il-bżonnijiet tal-klijent fuq quddiem nett. Hija qalet li l-Quality Service Charters, bil-linji ta’ gwida li dawn jipprovdu huma għodda importanti għad-dipartimenti biex jgħinuhom jilħqu l-aspettattivi li l-pubbliku għandu fil-ġurnata ta’ llum, aspettattivi ta’ ħajja iktar komda u fl-istess ħin mgħaġġla, ibbażata dejjem aktar fuq l-użu ta’ l-informatika. Fil-fatt, iż-żewġ dipartimenti li ngħataw ic-Charters dalgħodu, intrabtu sabiex jaqdu lill-klijent f’mhux iktar minn 5 minuti jekk ir-rikjesta ssir b’mod personali. F’każ li r-rikjesta għas-servizz issir bil-miktub, iż-żewġ dipartimenti qed jintrabtu illi jindirizzawha sa mhux iktar tard minn jumejn tax-xogħol.

Il-Quality Service Charters jagħtu garanzija ta’ servizz ta’ kwalità għal dawn iż-żewġ dipartimenti, flimkien mat-tmienja l-oħra li huma diġà Chartered, fil-ġżira t’Għawdex. Huma wkoll dikjarazzjoni ta’ impenn dejjem iktar favur il-klijent mhux biss permezz ta’ servizz kif għandu jkun imma anke permezz ta’ provvista ta’ informazzjoni ċara u korretta dwar dak kollu relatat mas-servizzi offruti minn dawn is-sezzjonijiet konċernati.

Sabiex dawn iż-żewġ dipartimenti setgħu joffru garanzija ta’ servizz effiċjenti kien jeħtieġ li jsiru diversi xogħlijiet, fosthom l-installazzjoni ta’ fibre optic cable li jgħaqqad lir-Reġistru Pubbliku man-network tad-Data Centre u b’hekk ittejjeb il-proċess ta’ tixrid ta’ informazzjoni. Dan l-aħħar ukoll iddaħħal l-email għall-ħaddiema kollha tar-Reġistru Pubbliku – pass kbir ’il quddiem fejn klijenti jistgħu jagħmlu r-rikjesti tagħhom permezz tal-posta elettronika fuq l-indirizz pubreg.gozo@gov.mt, fejn saħansitra jistgħu jinqdew klijenti li jinsabu barra minn Malta fi żmien ferm iqsar.

L-Uffiċċju għall-ħruġ ta’ ċertifikati ta’ l-Istat Ċivili kif ukoll dak tar-Reġistru taż-Żwiġijiet ġew rilokati għal żewġ uffiċini iktar aċċessibli. Minbarra li b’hekk il-pubbliku qed jinqeda aħjar, l-istaff ta’ dawn iż-żewġ uffiċini issa qed jaħdmu f’ambjent aħjar u aktar akkoljenti.

Minbarra l-għoti ta’ dawn iż-żewġ Charters, fl-okkażjoni ta’ dalgħodu ġie estiż ukoll iċ-Charter għas-servizzi soċjali mogħtija mid-Dipartiment tas-Sigurtà Soċjali f’Għawdex – dipartiment li issa qiegħed joffri s-servizzi tiegħu minn uffiċċju ġdid fl-istess Ċentru Amministrattiv fir-Rabat. L-uffiċċju l-ġdid tad-Dipartiment tas-Sigurtà Socjali fir-Rabat jifforma parti mill-kumpless ta’ uffiċini li dan l-aħħar raw titjib sostanzjali fl-ambjent tagħhom, fosthom entratura ġdida b’reception area ġdida, li tagħti aċċess dirett għal kulħadd lejn il-bqija ta’ l-uffiċini tal-Gvern fir-Rabat.

Preżenti għall-okkażjoni kien hemm ukoll is-Sur Joe R. Grima li rringrazzja liż-żewġ dipartimenti konċernati talli laqgħu l-isfida ewlenija li jipprovdu servizz ta’ kwalità, filwaqt li awgura li iktar dipartimenti Governattivi jadottaw l-implimentazzjoni ta’ Quality Service Charters. Kien hemm ukoll id-Direttur Ġenerali fi ħdan l-Uffiċċju tal-Prim Ministru, is-Sur Anthony Mifsud, flimkien mas-Segretarju Permanenti Ministeru għal Għawdex, is-Sur Frank Psaila.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow