Left arrow Mur Lura

JUM IR-REPUBBLIKA 1974 IMFAKKAR FUQ L-INTERNET

PR1730
Date Icon 11/12/2002

Illum ġiet inawgurata preżentazzjoni kommemorattiva dwar Jum ir-Repubblika 1974, fuq il-website tad-DOI, www.doi.gov.mt L-inawgurazzjoni saret taħt il-patroċinju tal-President Emeritus Sir Anthony Mamo, f'Casa Arkati, il-Mosta. 

Sir Anthony Mamo, li kien l-ewwel President ta' Malta, qal li għalih it-twelid tar-Repubblika kienet ċerimonja memorabbli. Kien l-entużjażmu tal-poplu li jiftakar partikolarment, li attenda bi ħġaru allavolja kienet ix-xita u l-kesħa.

Dwar ir-rwol tiegħu fit-twaqqif tar-Repubblika, Sir Anthony qal li kien ta’ sodisfazzjon kbir għalih li kien involut fil-ġrajja għall-poplu Malti. Fi kliemu stess hu ddeskriviha hekk: "Kelli biċċa xogħol u għamiltha".

Emanuel Abela, Direttur ta' l-Informazzjoni, filwaqt li faħħar lil Sir Anthony għal mod dinjituż u eżemplari li bih huwa okkupa din l-ogħla kariga fil-pajjiż, sellem lil Presidenti kollha li ġew warajh. Hu żied jgħid li 28 sena wara li Malta saret Repubblika, parti sostanzjali tal-ġenerazzjoni ta' pajjiżna, partikolarment dik żagħżugħa, mhux talli ma għexux dik il-ġurnata, imma ma setgħux ikunu jafu mill-qrib il-protagonisti tal-ġrajjiet li seħħew.

Kien b'dan il-ħsieb li d-Dipartiment ta' l-Informazzjoni, fis-sensiela ta' produzzjonijiet ta' "Tifkiriet mill-Passat", ħejja din il-produzzjoni fuq l-internet, biex permezz ta' ritratti, recordings bl-audio u dokumenti oħra arkivjati fid-dipartiment, iressaq dawn il-memorji storiċi viċin tal-pubbliku.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow