Left arrow Mur Lura

KAMRA SPEĊJALIZZATA ĠDIDA FL-ISKOLA PRIMARJA TAL-MELLIEĦA

PR1714
Date Icon 06/12/2002

Fl-Iskola Primarja Marija Bambina, Mellieħa, għadu kif tlesta proġett li jikkonsisti fit-twaqqif ta’ Kamra Speċjalizzata li fiha se jiġu mgħallma Xjenza u Teknoloġija, u Żvilupp Personali u Soċjali - Żewġ suġġetti li ngħataw importanza kbira fil-Kurrikulu Nazzjonali l-ġdid.

Permezz ta’ din l-esperjenza edukattiva fix-Xjenza u Teknoloġija, l-istudenti se jkunu jistgħu jitgħallmu kif ikejlu, janalizzaw, isolvu problemi, jiġbru u jinterpretaw id-data, jibnu mudelli, jaħdmu fi grupp, jesperimentaw, jikkomunikaw u jagħmlu użu minn mezzi awdjo-viżivi, kompjuters u apparat ta’ sigurta’. Barra minn dan, f’din il-kamra t-tfal se jingħataw opportunita’ jitgħallmu aktar fuq is-saħħa, l-ambjent u l-valuri, kif jieħdu ħsieb tagħhom infushom, kif jipproteġu ruħhom kontra kull tip ta’ abbuż, kif jiskopru t-talenti u n-nuqqasijiet tagħhom u kif jiżviluppaw il-ħiliet bażiċi tal-ħajja u tat-tagħlim. B’hekk l-istudenti se jingħataw taħriġ prattiku li se jiswielhom għall-ħajja ta’ kuljum.

Il-bini ta’ din il-kamra kien jinvolvi investiment ta’ Lm10,000. Din tkopri xogħol strutturali, paviment ġdid u madum tal-ħajt, apparat domestiku, bank tal-kċina, mwejjed u siġġijiet għat-tfal, blinds, żebgħa, fire-extinguishers u xogħol ta’ dawl, ilma u tqegħid tal-madum. Barra minn hekk il-kamra se tkun mgħammra b’apparat mill-aktar modern u sofistikat bħal m’huma Multi-Media Projector, Screen elettriku, Kompjuters, Technology Bench, Smart Board u oħrajn.

Ix-xogħol sar bl-għajnuna tal-Fondazzjoni għall-Iskejjel ta’ Għada kif ukoll ta' l-Istaff, tal-Kunsill Skolastiku u tal-ġenituri li organizzaw attivitajiet ta’ ġbir ta’ flus b’risq dan il-proġett. L-Ismart Board ġiet sponsorjata mid-ditta Jos. Vincenti & Co. Ltd. li pprovdew ukoll l-esperti fl-użu ta`l-Ismart Board biex jiġu mħarrġa l-għalliema fl-użu ta’ dan il-Board.

Il-Kamra ġiet inawgurata mis-Segretarju Permanenti tal-Ministeru ta’ l-Edukazzjoni is-Sur Paul Attard. Is-Sur Attard qal li l-iskola primarja tal-Mellieħa qed tagħti eżempju ħaj ta' l-iżviluppi li qed iseħħu fil-qasam edukattiv u fil-mod kif jitmexxew l-iskejjel tagħna. Hu qal li hu pożittiv ferm li fl-iskejjel tagħna l-imsieħba kollha, għalliema, tfal, ġenituri, il-kommunita' u l-industrija jaħdmu flimkien biex timxi ’l quddiem l-edukazzjoni f'pajjiżna. Hu tenna li bi proġett bħal dan mhux biss inkunu qed nipprovdu aktar riżorsi u apparat għall-istudenti iżda qed nagħmlu pass ieħor fl-implimentazzjoni tal-Kurrikulu Nazzjonali.

F'dawn l-aħħar snin il-Gvern għamel minn kollox biex it-twettieq tal-Kurrikulu Nazzjonali ikun jista` jseħħ kemm permezz ta' aktar riżorsi finanzjarji u umani kif ukoll permezz ta' l-istrutturi u l-appoġġ meħtieġ. Issa, hemm bżonn li l-poplu jibda jara u jmiss b'idejh il-frott tal-bidliet li saru u li qed iseħħu u din hi l-akbar sfida għall-kapijiet ta' l-iskejjel u l-għalliema. L-iskola tal-Mellieħa qegħdha fit-triq it-tajba.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow