Left arrow Mur Lura

Tisħiħ fl-Ispettorat tas-SaĦĦa

PR1706
Date Icon 05/12/2002

Delegazzjoni mid-Direttorat Ġenerali tas-Saħħa u l-Konsumatur ta’ l-Unjoni Ewropea kellha kliem ta’ tifħir għall-mod ta’ organizzazzjoni fil-ħarsien tas-sigurtà ta’ l-ikel speċjalment għat-twaqqif tal-Kummisssjoni tal-Ħarsien ta’ l-Ikel li tikkoordina l-awtoritajiet kollha nvoluti fil-ħarsien ta’ l-ikel. Din id-delegazzjoni ġiet Malta biex tara f’hix waslet Malta fl-implimentazzjoni ta’ liġijiet dwar l-ikel fl-isfond ta’ liġijiet simili applikati fl-Unjoni Ewropea.

Dan qalu l-Ministru tas-Saħħa, l-Onor. Dr. Louis Deguara, meta kien qiegħed jindirizza seminar ta’ aġġornament għall-Ispetturi tas-Saħħa. Dan is-settur bħalissa għaddej minn riforma kontinwa li ġabet magħha l-Ligi dwar il-Ħarsien ta’ l-Ikel.

Il-Ministru tas-Saħħa qal li minn dawn ir-riformi se jgawdi minnhom il-poplu Malti u dawk kollha li jiġu jżuruna. Hu għamilha ċara li nidħlu jew ma nidħlux fl-Ewropa, dawn ir-riformi riedu jitwettqu, għax il-poplu Malti jixraqlu livelli ta’ ħarsien tas-saħħa fl-ikel li jgawdu popli oħra f’pajjiżi ferm aktar avvanzati minna.

Il-Ministru Deguara rrikonoxxa u xtaq li anki l-konsumatur jirrikonoxxi x-xogħol siewi u d-dedikazzjoni ta’ l-Ispetturi tas-Saħħa fil-qadi ta’ dmirijiethom. Illum għandna spetturi mħarrġa tajjeb u bosta minnhom gradwati, li wkoll permezz ta’ apparat modern, jagħmluha ta’ għassiesa fuq il-proċess ta’ preparazzjoni u l-preżentazzjoni ta’ l-ikel li nikkunsmaw.

Waqt dan is-seminar qiegħed jiġi ntrodott apparat mill-aktar sofistikat li jiswa eluf ta’ liri u li ngħata min-NPAA (National Programme for the Adoption of the Acquis). Dan l-apparat se jżid fil-professjonalità tal-ħidma ta’ l-ispetturi u jgħolli l-livell tal-ħarsien fl-ikel.

Waqt dan is-seminar l-ispetturi ngħataw tagħrif dwar dan l-apparat u l-użu tiegħu fil-ħidma tagħhom ta’ kuljum.

Meta wieħed jifli x-xogħol li għaddej f’dan id-Dipartiment speċjalment bid-dħul fis-seħħ tal-Liġi dwar il-Ħarsien tas-Sigurta’ fl-Ikel, wieħed għandu jserraħ moħħu li anke f’dan il-qasam, kemm il-konsumatur Malti u dak barrani se jkunu qegħdin igawdu minn livelli għolja ferm f’dan il-qasam hekk importanti, temm jgħid il-Ministru.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow