ID-DIPARTIMENT TAL-LOTTU PUBBLIKU IWISSI KONTRA OPERATURI FOLOZ TA’ LOTTERIJI BARRANIN
Id-Dipartiment tal-Lottu Pubbliku jixtieq jinforma lill-pubbliku biex joqghod attent għall-attivita’ ta’ gruppi ta’ kriminali organiżżati barranin, li jippużaw bħala Organiżżazzjonijiet ta’ Lotteriji leġittimi, fejn jinfurmaw lin-nies li rebħu xi premju f’xi Lotterija estera bl-intenzjoni li jiffrodawhom.
Dawn l-organiżżazzjonijiet qed jitfgħu għajnejhom fuq individwi fejn jippruvaw jiffrodawhom minn flus billi l-ewwel joffrulhom somom sostanzjali f’rebh, basta dawn iħallsu bil-quddiem somma żgħira għall-ipproċessar ta’ l-ispejjeż. Din is-somma suppost li tmur biex jitħallsu xi taxxi, spejjeż ta’ banek u insurance u hlas ta’ pustaġġ! It-talba għall-ispejjeż ta’ l-ipproċessar tkun marbuta ma’ data fittizzja fejn jintqal li d-data ta’ meta l-premju jista’ jinkiseb tkun se tagħlaq fi żmien qasir.
Il-pubbliku għandu jkun jaf li dawn il-froddisti jwaqqfu organiżżazzjonijiet tal-Lotteriji foloz u ta’ ngann ħafna minnhom ibbażati fuq l-‘Internet’ barra minn Malta. Dawn jivvjaġġaw minn post għall-ieħor b’faċilita’ kbira billi jużaw ‘mobile phones’, indirizzi proviżżorji jew foloz, flimkien ma’ kaxxi postali filwaqt li ta’ spiss ibiddlu l-isem tal-lotteriji tagħhom. Jistampaw b’mod falz, karti ta’ Organiżżazzjonijiet tal-Lotteriji Uffiċċjali, firem ta’ Uffiċċjali ta’ Banek u istituzzjonijiet oħrajn waqt li jippruvaw jużawhom biex iqarrqu b’dawk li jkunu tefgħu għajnejhom fuqhom.
Individwi li jiġu kkuntattjati minn dawn l-organiżżazzjonijiet li jippużaw ta’ Lotteriji barranin leġittimi, m’għandhom qatt taħt l-ebda ċirkustanza jew raġuni, jħallsu xi flus jew jagħtu xi dettal dwar kontijiet tal-banek tagħhom, inkluż n-numru tal-kont tal-Bank.
Meta dawn il-frodisti jiġu mistoqsija minn nies li jistaqsu kif isimhom intghazel, meta huma ma jkunux hadu sehem f’lotteriji simili, dawn il-frodisti jaghtuhom diversi risposti li jinstemgħu kredibbli u li xi ftit nies sfortunatament, jemmnuhom.
Id-Dipartiment tal-Lottu Pubbliku jixtieq iwissi lill-pubbliku biex ma’ jħallas ebda flus meta jiġu offruti premijiet bħal dawn, u biex jibgħtu kopja tad-dokumentazzjoni falza li jistghu jinghataw minn dawn il-frodisti, lid-Dipartiment biex javża lill-pubbliku b’dan.
Stqarrijiet Oħra:
PR261931
STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...
PR261930en