Left arrow Go Back

Il-Ministru Austin Gatt jiltaqa’ ma’ Delegazzjoni mill-GWU dwar il-Gwardjani Lokali

PR1691
Date Icon 03/12/2002

Il-Ministeru għall-Ġustizzja u Gvern Lokali, l-Onor. Dr. Austin Gatt, illum laqa’ delegazzjoni mill-General Workers’ Union li ressqitlu ilmenti magħmula minn Gwardjani Lokali membri tagħha.

Id-delegazzjoni tal-General Workers’ Union infurmat lill-Gvern li hi nfurmata li dawn li ġejjin taw ordinijiet lill-Gwardjani Lokali fis-sens, li kellhom ilaħħqu kwota ta’ ċitazzjonijiet jew inkella ma jitħallewx jaħdmu aktar fil-lokalitajiet responsabbli għalihom:

  • Uffiċjal li kien qed jaġixxi f’isem il-Kunsilli Lokali tal-Fgura, Bormla, l-Isla, il-Birgu, il-Kalkara u Ħaż-Żabbar, u

  • Uffiċjal li kien qed jaġixxi f’isem il-Kunsilli Lokali tal-Ħamrun, Pietà u Msida.

Id-delegazzjoni tal-GWU infurmat lill-Gvern ukoll li hija nfurmata b’ordnijiet lill-Gwardjani Lokali magħmula minn uffiċjal li kien qed jaġixxi fl-interess tal-Kunsill Lokali taż-Żejtun, biex dawn jagħtu ċitazzjonijiet lil min ikollu permess temporanju maħruġ mill-Kunsill Lokali ta’ Ħal Għaxaq biex juża’ art pubblika f’Bir id-Deheb.

Skond l-informazzjoni li tat il-General Workers’ Union, dan sar minħabba nuqqas ta’ qbil bejn il-lokalitajiet taż-Żejtun u ta’ Ħal Għaxaq dwar fejn jibdew u jispiċċaw il-konfini ta’ bejniethom.

Il-General Workers’ Union għaddiet ukoll lill-Gvern informazzjoni dwar ordnijiet maħruġa mis-Sindku ta’ Marsaxlokk lill-Gwardjani Lokali biex jeżentaw lir-residenti ta’ Marsaxlokk mill-infurzar tal-liġi.

L-informazzjoni kienet tinkludi wkoll rapporti ta’ tbagħbis tal-provi biex residenti Xlukkajri mħarrka mill-Gwardjani Lokali jkunu liberati mit-Tribunali Lokali minkejja li jkunu fil-fatt kisru l-liġi.

Il-Ministeru għall-Ġustizzja u Gvern Lokali nforma lill-General Workers’ Union li ser iqabbad lid-Dipartiment tal-Kunsilli Lokali jistħarreġ dawn ir-rapporti u ser jirreferi r-rapport dwar l-allegat aġir tas-Sindku ta’ Marsaxlokk lill-Pulizija għall-istħarriġ tagħhom.

Il-Ministeru għall-Ġustizzja u Gvern Lokali jtenni mill-ġdid li hi l-politika ċara tal-Gvern li l-liġi trid tkun infurzata b’fermezza, iżda li m’għandhom ikunu applikati ebda kwoti ta’ ċitazzjonijiet li jassumu minn qabel li l-liġi ser tinkiser.

Iż-żewġ naħat qablu li dawn kienu okkażjonijiet eċċezzjonali li jeħtieġu stħarriġ biex il-Gwardjani Lokali joffru lill-pubbliku servizz tajjeb u jibqgħu jipproteġu lil dawk li jobdu l-liġi minn dawk li jiksruha.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow