TAGĦRIF DWAR IL-BUDGET
Id-Dipartiment ta’ l-Informazzjoni jixtieq javża li qed joffri dawn is-servizzi ta’ tagħrif dwar il-Budget.
IL-BUDGETFUQ L-INTERNET
Fuq il-website tad-DOI www.doi.gov.mt qed jiġu ppubblikati d-Diskors sħiħ tal-Budget, bil-Malti u bl-Ingliż, kif ukoll l-Economic Survey. Apparti minhekk, qed jiġu mxandra audio recording u video recording tal-Konferenza Stampa dwar il-Budget, mogħtija mill-Prim Ministru fil-25 ta’ Novembru.
Membri tal-pubbliku li jixtiequ jaraw u jisimgħu dawn ix-xandiriet, jew jaraw it-test tal-pubblikazzjonijiet, huma mistiedna jiġu l-uffiċċju tad-DOI, 3 Misraħ Kastilja, Valletta, fil-
ġranet u l-ħinijiet tax-xogħol, fejn bl-għajnuna ta’ l-istaff tal-CustomerCare, ikunu jistgħu jagħmlu użu mill-faċilitajiet ta’ l-Internet tad-dipartiment.
PUBBLIKAZZJONIJIET DWAR IL-BUDGET
Id-Diskors tal-Budget bil-Malti u bl-Ingliż (Lm1), l-Estimi Finanzjarji (Lm2), u l-Economic Survey (Lm2), jinsabu għall-bejgħ mid-DOI Sales Office u mill-ħwienet awtorizzati. Min jixtieq jordna kopji ta’ dawn il-pubblikazzjonijiet, jista’ jibgħat cheque indirizzat lid-Direttur ta’ l-Informazzjoni, u jirċevihom bil-posta.
Għal aktar tagħrif, wieħed jista’ jċempel fuq Freephone 153 jew jibgħat e.mail lil info@gov.mt
Other Press Releases:
PR261931
STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...
PR261930en